హీరో మహేష్ బాబు రాజకీయ ప్రవేశం ఖాయమా?.. వారిద్దరూ అంతే...
హీరో మహేష్ బాబు రాజకీయ ప్రవేశం చేయడం ఖాయమా? అవుననే అంటున్నారు జ్యోతిష్య నిపుణులు. తమిళ హీరో విజయకాంత్, మెగాస్టార్ చిరంజీవిలే ఇందుకు మంచి ఉదాహరణ అని అంటున్నారు. దీనికి ఓ బలమైన కారణాన్ని చెపుతున్నారు.
హీరో మహేష్ బాబు రాజకీయ ప్రవేశం చేయడం ఖాయమా? అవుననే అంటున్నారు జ్యోతిష్య నిపుణులు. తమిళ హీరో విజయకాంత్, మెగాస్టార్ చిరంజీవిలే ఇందుకు మంచి ఉదాహరణ అని అంటున్నారు. దీనికి ఓ బలమైన కారణాన్ని చెపుతున్నారు.
తమిళ దర్శకుడు ఏఆర్.మురుగదాస్. ఈయన దర్శకత్వంలో నటించిన హీరో ఖచ్చితంగా రాజకీయ ప్రవేశం చేయాల్సిందేనని అంటున్నారు. మురుగదాస్ దర్శకత్వంలో వచ్చిన 'రమణ' తర్వాత విజయకాంత్, 'స్టాలిన్' తర్వాత చిరంజీవి రాజకీయాల్లోకి వచ్చారని గుర్తుచేశారు. ఆ కోవలోనే ప్రిన్స్ మహేష్ బాబు రాజకీయ అరంగేట్రం చేస్తారని అంటున్నారు.
విభిన్న కథాంశాలను ఎంచుకుని, వాటిని ప్రేక్షకులకు నచ్చేలా చిత్రీకరించడంలో పేరున్న ప్రముఖ దక్షిణాది దర్శకుడు మురుగదాస్ గతంలో తీసిన 'రమణ' తరువాత విజయకాంత్ రాజకీయాల్లోకి వచ్చారు. ఇక అదే మురుగదాస్ చిరంజీవి హీరోగా 'స్టాలిన్' తీయగా, ఆపై ఆయన కూడా రాజకీయాల్లోకి ప్రవేశించారు.
ఇప్పుడు అదే మురుగదాస్, మహేష్ హీరోగా 'స్పైడర్'ను సిద్ధం చేశారు. ఇక 'స్పైడర్' తర్వాత మహేష్ కూడా సెంటిమెంట్ ప్రకారం, రాజకీయాల్లోకి వస్తారా? ఇదే ప్రశ్న మహేష్ బాబుకు చెన్నైలో ఎదురైంది. మీడియా సమావేశంలో మహేష్ పాల్గొన్న వేళ, ఈ ప్రశ్న ఎదురుకాగా, తనదైన శైలిలో సమాధానం ఇచ్చాడు ప్రిన్స్. తనకు రాజకీయాలంటే స్పెల్లింగ్ కూడా తెలియదని తేల్చిపారేశాడు. కాగా, "స్పైడర్" ఈనెల 27వ తేదీన ప్రపంచ వ్యాప్తంగా తెలుగు, తమిళ భాషల్లో విడుదల కానుంది.