చిన్మయ శ్రీపాద కారు ధ్వంసం... అమెరికాలో జాత్యహంకారుల దాడులు...

అమెరికాలో జాత్యాహంకారుల దాడులు పెరిగిపోతున్నాయి. ఇప్పటికే అమెరికన్ల దాడిలో నలుగురు భారతీయులు ప్రాణాలు కోల్పోయారు. వీరిలో ఒక‌రు హైద‌రాబాద్‌కు చెందిన సాఫ్ట్‌వేర్ ఇంజినీర్. భార‌త కాల‌మానం ప్ర‌కారం సోమ‌వా

అమెరికాలో జాత్యాహంకారుల దాడులు పెరిగిపోతున్నాయి. ఇప్పటికే అమెరికన్ల దాడిలో నలుగురు భారతీయులు ప్రాణాలు కోల్పోయారు. వీరిలో ఒక‌రు హైద‌రాబాద్‌కు చెందిన సాఫ్ట్‌వేర్ ఇంజినీర్. భార‌త కాల‌మానం ప్ర‌కారం సోమ‌వారం సాయంత్రం జ‌రిగిన దాడిలో ప్ర‌ముఖ గాయ‌ని శ్రీ‌పాద చిన్న‌యి వ‌స్తువుల‌ను పోగొట్టుకున్నారు. 

శాన్‌ఫ్రాన్సిస్కోలో ఓ సంగీత కార్య‌క్ర‌మానికి వెళ్లిన ఆమె... త‌న కారును పార్క్ చేసి, షాపింగ్‌క‌కు వెళ్ళారు. తిరిగొచ్చి చూసేస‌రికి కారు అద్దాలు ప‌గిలిపోయి ఉండ‌టాన్ని ఆమె గ‌మ‌నించారు. అందులో ఉన్న విలువైన వ‌స్తువులూ క‌నిపించ‌లేదు. ఒక్క‌సారిగా దిమ్మెర‌పోయిన ఆమె కొద్ది నిముషాల పాటు తేరుకోలేకోయారు. ఈ విష‌యాన్ని చిన్మ‌యి త‌న ట్విట్టర్ ఖాతాలో పోస్టు చేశారు. ఫిర్యాదు చేయ‌బోతే పోలీసులు కూడా స‌రిగ్గా ప‌ట్టించుకోలేద‌ని కూడా ఆమె వాపోయింది. 

దోపిడీ వ్య‌వ‌హారం మొత్తం అక్క‌డి క్లోజ్‌డ్ స‌ర్క్యూట్ కెమెరాల‌లో న‌మోదైంది. ఓ యువ‌తి ఈ పనికి పాల్ప‌డిన‌ట్టు గుర్తించామ‌ని పోలీసులు తెలిపార‌న్నారు. ఇంత చెప్పిన పోలీసులు దాన్ని తీవ్రంగా ప‌రిగ‌ణించ‌లేమ‌న‌డాన్ని ఏమ‌నాలి. భార‌తీయుల ప‌ట్ల వివ‌క్ష చూప‌డం కాదా అని ఆమె ప్రశ్నించింది.