పవర్ స్టార్ పవన్ కల్యాణ్ సినిమాలకు దేవీశ్రీ ప్రసాద్ జల్సా సినిమా నుంచి ట్యూన్స్ ఇస్తున్న సంగతి తెలిసిందే. ప్రస్తుతం వీరిద్దరి కాంబోలో సర్దార్ గబ్బర్ సింగ్ తెరకెక్కనుంది. గబ్బర్ సింగ్ సినిమాలో సాంగ్స్ ఎంత పెద్ద హిట్టో తెలిసిందే. ప్రస్తుతం ఆ సినిమా కంటే ఎక్కువ అవుట్ పుట్ ఇవ్వాలని పవన్- దేవీశ్రీ ప్రసాద్ కుస్తీ పడుతున్నారట. ఈ క్రమంలోనే దేవి శ్రీ ప్రసాద్ మాంచి మాస్ బీట్ ఒకటి కంపోజ్ చేసి పవన్‌కి సర్ ప్రైజ్ ఇచ్చాడట.
అయితే సెట్‌కి వచ్చిన పవన్ ఆ సాంగ్ చూసి షాక్ అయ్యాడట. అంతేకాదు.. పాటకు తగ్గట్టు పవన్ కళ్యాణ్ పక్కా డ్యాన్స్ కోసం రెడీ అయిపోయాడట. దేవి ఇచ్చిన ట్యూన్స్‌కి తను చాలెంజ్ చేసి మరి అదరగొట్టే స్టెప్పులు వేశాడట. పవన్ కళ్యాణ్ ఈ సినిమాలో అనూహ్య స్టెప్పులతో అలరిస్తాడని తెలిసింది. కొరియోగ్రాఫర్‌కి మంచి స్టెప్పులు రెడీ చేయమని కూడా పవన్ చెప్పేశాడట.
సింపుల్‌గా ఉంటూనే ఫ్లోర్ అదిరిపోయే స్టెప్పులతో ఆ సాంగ్ ఉంటుందని సినిమా యూనిట్ అంటోంది. కాగా పవర్ ఫేమ్ బాబీ సర్ధార్ గబ్బర్ సింగ్‌కు దర్శకత్వం వహిస్తున్న సంగతి తెలిసిందే. శరథ్ మారర్ నిర్మిస్తున్న ఈ సినిమాలో పవన్ కళ్యాణ్‌తో కాజల్ రొమాన్స్ చేస్తుండగా.. రాయ్ లక్ష్మి ఐటం సాంగ్ నర్తిస్తుంది. దేవీశ్రీ ప్రసాద్ మ్యూజిక్‌కు పవన్ ఛాలెంజింగ్‌గా అదరగొట్టే స్టెప్పులేస్తే.. ఈ సినిమా తప్పకుండా హిట్టేనని సినీ పండితులు అప్పుడే జోస్యం చెప్పేస్తున్నారు.