ఇప్పటికే టాలీవుడ్ నటుల కంటే బాలీవుడ్ నటులే ఎక్కువగా కనబడుతున్న జక్కన్న ఆర్ ఆర్ ఆర్‌లో బాలీవుడ్‌కి చెందిన మరో స్టార్ హీరో కనిపించనున్నాడట... వివరాలలోకి వెళ్తే... పలు సంచలనాలకు దారితీస్తున్న టాలీవుడ్ జక్కన్న 'ఆర్ ఆర్ ఆర్' సినిమా షూటింగు చకచకా సాగుతోంది.
స్వాతంత్య్రం రావడానికి మునుపటి కథ కావడంతో, అన్నిరకాల జాగ్రత్తలు తీసుకుంటూ ముందుకు వెళుతున్నట్లు సమాచారం. ఎన్టీఆర్ - రామ్ చరణ్‍‌లు కథానాయకులుగా నటిస్తున్న ఈ సినిమాలో అలియా భట్‌ను ఒక కథానాయికగా ఎంచుకోవడం, మరో కీలకమైన పాత్ర కోసం అజయ్ దేవగణ్‌ను ఎంపిక చేసుకున్న విషయాలు తెలిసినవే.
ఇక మరో రెండు కీలక పాత్రల కోసం కూడా బాలీవుడ్ హీరోలను తీసుకోనున్నట్టుగా వార్తలు వస్తున్నాయి. ఇందుకుగానూ సంజయ్ దత్‌తోనూ .. షాహిద్ కపూర్‌తోను సంప్రదింపులు జరుపుతున్నట్టుగా సమాచారం. చారిత్రక నేపథ్యంలో రూపుదిద్దుకుంటున్న కథ కావడంతో, విభిన్నమైన.. విలక్షణమైన పాత్రలు చాలానే వున్నాయట. ఆ పాత్రలకి స్టార్స్‌ను తీసుకోవడం వలన, మార్కెట్ పరంగా మరింత కలిసొస్తుందనే ఆలోచనతోనే ఈ నిర్ణయానికి వచ్చినట్టుగా తెలుస్తోంది.