'హృదయ కాలేయం' చిత్రంలో టాలీవుడ్‌లో సంచలనంగా మారిన హీరో సంపూర్ణష్ బాబు. ఈయన నటించిన రెండో చిత్రం 'కొబ్బరిమట్ట'. నవంబరు 14వ తేదీన ప్రేక్షకుల మందుకురానుంది. ఈ చిత్రానికి రూపక్ రోనాల్డ్ సన్ దర్శకత్వం వహిం
'హృదయ కాలేయం' చిత్రంలో టాలీవుడ్‌లో సంచలనంగా మారిన హీరో సంపూర్ణష్ బాబు. ఈయన నటించిన రెండో చిత్రం 'కొబ్బరిమట్ట'. నవంబరు 14వ తేదీన ప్రేక్షకుల మందుకురానుంది. ఈ చిత్రానికి రూపక్ రోనాల్డ్ సన్ దర్శకత్వం వహించగా, ఆది కుంభగిరి, సాయిరాజేష్ నీలం నిర్మాతలు.
సినిమా సాంగ్ టీజర్‌ను హైదరాబాద్ ప్రసాద్ ల్యాబ్స్‌లో విడుదల చేశారు. ఈ సందర్భంగా చిత్ర సమర్పకుడు కృష్ణారావు మాట్లాడుతూ "చాలా సంతృప్తిగా ఈ చిత్రాన్ని నిర్మించినట్టు తెలిపారు. ఈ సినిమా రిలీజ్ రోజున సంపూర్ణేష్, సాయిరాజేశ్‌తో ఓ సినిమా ప్లాన్ చేస్తున్నాం. షూటింగ్ మొత్తం అమెరికాలో ఉంటుంది. సంపూ ఇన్ అమెరికా. సంపూ వర్సెస్ ట్రంప్ అని ప్లాన్ చేస్తున్నట్టు చెప్పారు.
ఆ తర్వాత హీరో సంపూర్ణేష్‌బాబు మాట్లాడుతూ "హృదయ కాలేయం" కంటే కొబ్బరిమట్ట చిత్రంతో వంద రెట్లు ఎంజాయ్ చేస్తారు. మిట్టపల్లె అనే చిన్న ఊరు నుండి నన్ను తీసుకొచ్చి రాజేష్ అన్న హృదయ కాలేయం సినిమా చేశాడు. అలాగే కొబ్బరి మట్ట సినిమాకు తనే ప్రొడ్యూసర్‌గా వ్యవహరించారు. ఆయన వెనుక నిలబడి ఎన్నిరోజులైనా సపోర్ట్ అందిస్తాను. సినిమాలో నటించిన ఆర్టిస్టులు, సాంకేతిక నిపుణులకు ధన్యవాదాలు అని చెప్పారు.
దర్శకుడు రూపక్ రొనాల్డ్‌సన్ మాట్లాడుతూ 'ఒక సంపూని చూస్తేనే కామెడీ ఎంత ఉంటుందో చెప్పనక్కర్లేదు. ఇందులో ముగ్గురు సంపూర్ణేష్‌లు ఉంటారు. నవంబర్ 14న సినిమా విడుదలవుతుంది' అని చెప్పారు.