''పుష్ప''లో సమంత చేసిన స్పెషల్ సాంగ్ ప్రస్తుతం వైరల్ అవుతోంది. ఈ పాటపై మగాళ్లు గుర్రుగా వున్నా.. పాట మాత్రం ఇప్పటికే యూట్యూబ్‌ను షేక్ చేసేసింది. ప్రస్తుతం ఈ పాటకు మేల్ వర్షన్ వచ్చేసింది. సమంత డాన్స్ చేసిన ఈ పాటకు పవన్ కళ్యాణ్, చిరంజీవి వీడియోలు యాడ్ చేసి సోషల్ మీడియాలో వదిలారు.
''తమ్ముడు, అత్తారింటికి దారేది, బిల్లా, సన్నాఫ్‌ సత్యమూర్తి, వేదం, ఖైదీ నెం: 150'' చిత్రాల్లోని క్లిప్పింగ్స్ జోడించి పుష్ప సమంత పాటకు మ్యాజిక్ చేశారు. "వాలి" అనే ఓ నెటిజన్‌ ట్విటర్‌ వేదికగా ఈ పాటను షేర్‌ చేయడంతో వెంటనే వైరల్ అయింది. మేల్ వర్షన్ సూపర్ అంటూ కామెంట్లు చేస్తున్నారు నెటిజన్లు.
మరోవైపు పుష్ప డిసెంబర్‌ 17 విడుదల కాబోతుంది. 'పుష్ప' సినిమాలో సమంత పాట చూసి ఎంజాయ్ చేయాలని ఆమె ఫ్యాన్స్ ఆత్రుతగా ఎదురుచూస్తున్నారు.