"ఉ అంటావా ఉహూ" అంటావా అని ఐటమ్ సాంగ్‌తో తెలుగు ప్రేక్షకులందరికీ మత్తెక్కించింది సమంత. ఇక ఈ పాట సినిమాకు ప్లస్ పాయింట్‌గా మారడమే కాదు సినిమా మొత్తంలో హైలెట్‌గా నిలిచింది. పుష్ప సినిమాలో ఐటమ్ సాంగ్ చేయడంపై ఇటీవల ఓ ఇంటర్వ్యూలో ఆసక్తికర వ్యాఖ్యలు చేసింది. పుష్ప సినిమాలో నేను స్పెషల్ సాంగ్ చేయడానికి కారణం ఉంది.
అల్లు అర్జున్ సుకుమార్ నా దగ్గరికి వచ్చి ఈ సాంగ్ గురించి చెప్పినప్పుడు నేను అంగీకరించలేదు. ఇలాంటి సాంగ్ చేయడానికి ఎంతో భయపడిపోయాను. ఇక ఈ సాంగ్ చేయాలా వద్దా అని ఎన్నోసార్లు నాకు నేను ఆలోచించుకున్నాను.
అల్లు అర్జున్ నాకు అండగా నిలబడి ఈ సాంగ్ చేస్తే ఎంతగానో గుర్తింపు వస్తుంది అని నిన్ను నువ్వు ప్రూఫ్ చేసుకునేందుకు మరో అవకాశం వచ్చింది అంటూ చెప్పడంతో.. ఒక నటి అయిన తర్వాత ఎలాంటి రోల్స్ అయినా చేయాలని డిసైడ్ అయ్యి ఇక ఈ పాటకు ఓకే చెప్పేశా అంటూ సమంత చెప్పుకొచ్చింది. బన్నీ చెప్పకపోయి ఉంటే ఐటెం సాంగ్‌లో నటించకపోయే దాన్ని అంటూ తెలిపింది ఈ ముద్దుగుమ్మ.