అనుకోని అతిథిగా వస్తున్న ఫిదా బ్యూటీ...
బుధవారం, 16 అక్టోబరు 2019 (15:47 IST)
మళయాలం ప్రేమం మూవీతో సినీ ఇండస్ట్రీలో అడుగుపెట్టిన సాయి పల్లవి, ప్రేమ చిత్రంతో అందరి దృష్టి తనపై పడేలా చేసింది. తరవాత తెలుగులో ఫిదా చిత్రంతో అందర్నీ ఫిదా చేసిన సాయి పల్లవి.. మొదటి సినిమాతోనే తెలుగు ప్రేక్షకులకు చాలా దగ్గరయింది. కేవలం వెండితెరపై మాత్రమే కాకుండా యూట్యూబ్లో కూడా ఈ భామ హల్‌‌చల్ చేస్తుంది. రౌడీ బేబి, వచ్చిందే, ఏవండో నాని గారు పాటలతో యూట్యూబ్లో ట్రెండ్ సృష్టిస్తుంది.
ప్రస్తుతం ఈ బ్యూటీ మలయాళంలో నటించిన 'అతిరన్' చిత్రాన్ని తెలుగులోకి 'అనుకోని అతిథి' పేరిట అనువదిస్తున్నారు. మలయాళంలో 2019 ఏప్రిల్‌‌‌లో విడుదలైన ఈ చిత్రం సూపర్ హిట్ అయ్యింది. ఫహాద్ ఫైజల్ హీరోగా ప్రకాష్ రాజ్, అతుల్ కులకర్ణి ప్రధాన పాత్రలలో సైకలాజికల్ థ్రిల్లర్‌‌గా దర్శకుడు వివేక్ తెరకెక్కించాడు.
కాగా తెలుగులో ఈ చిత్రాన్ని ఇంట్రోపీ ఫిలిమ్స్ బ్యానర్‌‌‌పై అన్నపురెడ్డి కృష్ణ కుమార్ మరియు గోవింద రవి కుమార్ నిర్మిస్తున్నారు. ఈ చిత్రాన్ని తెలుగు రాష్ట్రాలలో నవంబర్ 15న విడుదల చేయడానికి నిర్ణయించారట చిత్రబృందం.