బాహుబలి 2 కొత్త రికార్డు.. సాహోరే బాహుబలి పాటకు ఐదు కోట్ల వ్యూస్..

ఎన్నో రికార్డులకు చిరునామాగా మారిన బాహుబలి కొత్త రికార్డును తన ఖాతాలో వేసుకుంది. ఈ చిత్రంలోని సాహోరే బాహుబలి... అంటూ సాగే పాట తాజాగా పాత రికార్డును తిరగరాసి కొత్త రికార్డు నెలకొల్పింది. యూట్యూబ్‌లో ఈ

చైనాలో దంగల్ మూవీ కలెక్షన్ల వర్షం కురిపించిన సంగతి తెలిసిందే. ఇదే తరహాలో మరో భారతీయ సినిమా బాహుబలి2 కూడా చైనాలో విడుదలయ్యేందుకు సిద్ధంగా ఉంది. చైనాలో బాహుబలి-2ను విడుదల చేసేందుకు సన్నాహాలు చేస్తున్నారు నిర్మాతలు. కాగా, కలెక్షన్ల పరంగా, సాంకేతిక పరిజ్ఞానం పరంగా కొత్త ప్రమాణాలను నిర్దేశించిన బాహుబలి-2, చైనాలోనూ దంగల్ తరహాలో వసూళ్ల వరద పారించడం ఖాయమని సినీ పండితులు అంటున్నారు. అదే నిజమైతే రూ.2000 కోట్ల క్లబ్‌లో బాహుబలి-2 చేరిపోతుందని వారు చెప్తున్నారు. 

ఈ నేపథ్యంలో ఎన్నో రికార్డులకు చిరునామాగా మారిన బాహుబలి కొత్త రికార్డును తన ఖాతాలో వేసుకుంది. ఈ చిత్రంలోని సాహోరే బాహుబలి... అంటూ సాగే పాట తాజాగా పాత రికార్డును తిరగరాసి కొత్త రికార్డు నెలకొల్పింది. యూట్యూబ్‌లో ఈ వీడియో సాంగ్ ను ఇప్పటి వరకు ఐదు కోట్ల మంది వీక్షించారు. దక్షిణాదిన ఓ పూర్తి వీడియో సాంగ్‌ను ఇంతమంది వీక్షించడం రికార్డుగా పేర్కొంటూ లహరి మ్యూజిక్ కంపెనీ తన ట్విట్టర్ ఖాతాలో ప్రముఖంగా ప్రస్తావించింది.