పెళ్లిచూపులు సినిమాతో టాలీవుడ్ ప్రేక్షకుల మదిలో నిలిచి పోయిన రీతువర్మకు ఆ తర్వాత తగిన ఆఫర్లు రాలేదు. తాజాగా అమ్మడుకు అదృష్టం వరించింది. అదీ నేచురల్ స్టార్ నాని సరసన రీతు వర్మ నటించనుంది. ఈ సినిమా రీతు వర్మ కెరీర్‌కు టర్నింగ్ పాయింట్ అవుతుందని సినీ జనం అనుకుంటున్నారు.
పెళ్లి చూపులు సినిమాతో అటు ఫ్యామిలీ, ఇటు యూత్‌ను బాగా ఆకట్టుకున్న రీతు.. తాజాగా తెలుగు ప్రేక్షకులను పలకరించేందుకు సిద్ధమైంది. విక్రమ్ కుమార్ దర్శకత్వంలో నాని చేస్తున్న సినిమాలో రీతూ వర్మ హీరోయిన్‌గా నటించనుంది.
థ్రిల్లర్ నేపథ్యంలో సాగే ఈ సినిమా షూటింగ్ ఫిబ్రవరి 19 నుంచి రెగ్యులర్ ప్రారంభం కానుంది. ఇకపోతే.. పెళ్లి చూపులు తర్వాత కేశవ సినిలా నటించిన రీతు వర్మకు ఆశించిన స్థాయిలో గుర్తింపు రాలేదు. దీంతో కోలీవుడ్‌కు మకాం మార్చిన రీతు వర్మ.. అక్కడ కాస్త బిజీ అయినా.. అవకాశాలు అంతంత మాత్రంగానే మిగిలిపోయాయి. తాజాగా మళ్లీ నాని సరసన కనిపించేందుకు రీతు రెడీ అవుతోంది. తద్వారా తెలుగు ప్రేక్షకులను పలకరించనుంది.