ముఖ్యంగా, నెల్లూరు జిల్లాకు చెందిన షకీలా.. సినీరంగంలోకి ఎలా వచ్చారు? శృంగార తారగా ఎలా మారారు?. సినీరంగంలో ఆమె ఎదుర్కొన్న ఇబ్బందులు ఏమిటి? ఎంతమంది ఆమెను మోసం చేశారు? ఇలాంటి పలు ఆసక్తికరమైన విషయాలను ఆమె బయోపిక్‌లో చూపించనున్నారు.
ఈ బయోపిక్ చిత్రంలో షకీలా పాత్రను బాలీవుడ్ బ్యూటీ రిచా చద్దా కనిపించనుంది. ఇప్పటికే ఈ సినిమా షూటింగ్ దాదాపు కంప్లీట్ అయింది. త్వరలో చిత్రబృందం ఈ సినిమా ప్రమోషన్స్‌ను మొదలు పెట్టబోతుంది. అయితే ఈ ప్రమోషన్స్‌లో రిచా బెల్లి డ్యాన్స్ చేయబోతుందట.
దీనికోసం ఆమె ప్రత్యేకంగా బాలీవుడ్ బెల్లి డ్యాన్స్ స్పెషలిస్ట్‌ల దగ్గర కోచింగ్ తీసుకుంటుంది. రిచా చద్దా ఈ సినిమాలో నటించబోయే ముందు ష‌కీలాతో మాట్లాడి ఆమె వ్యక్తిగత జీవితం గురించి, ఆమె బాడీ లాంగ్వేజ్ గురించి కూడా అడిగి తెలుసుకుని నటించారు. మొత్తానికి రిచా చద్దా షకీలా బయోపిక్ కోసం బాగానే కష్టపడుతుంది. ఈ చిత్రం హిందీ, మలయాళంతో పాటు తెలుగు, తమిళ భాషల్లో కూడా విడుదలకానుంది.