గూగుల్ తల్లి నుంచి పాఠాలు నేర్చుకోగలమే కానీ.. సుగుణాలు మాత్రం కన్నతల్లి నుంచే నేర్చుకోగలమని పవన్ కల్యాణ్ మాజీ భార్య రేణుదేశాయ్ ట్విట్టర్లో పేర్కొన్నారు. పవన్ కల్యాణ్ నుంచి వేరుపడిన రేణూదేశాయ్ మరాఠా సినీ నిర్మాతగా పేరు తెచ్చుకున్న సంగతి తెలిసిందే. ఈ నేపథ్యంలో ట్విట్టర్లో యాక్టివ్‌గా ఉంటున్న రేణూ దేశాయ్ తాజాగా గూగుల్‌పై స్పందించింది. సాంకేతిక ప్రపంచంలో ఏది కావాలన్నా గూగుల్ తల్లి మీద ఆధారపడుతున్నారన్నారు.
గూగుల్‌లో సైన్స్, మాథ్య్ వంటి సబ్జెక్చుల గురించి తెలుసుకోవచ్చు కానీ.. కరుణ, జాలి, దయ, మానవత్వం, సహనం వంటి సుగుణాల గురించి మాత్రం ఉండవని స్పష్టం చేశారు. గూగుల్ తల్లి నుంచి పాఠాలు నేర్చుకోగలుగుతామని, సుగుణాలు మాత్రం కన్నతల్లి నుంచి నేర్చుకోగలమన్నారు.