రవితేజ సరసన కేథరిన్.. ''నేల టికెట్'' ఎప్పుడొస్తుందంటే?
మాస్ మహారాజ రవితేజ హీరోగా రెండు సినిమాలు లైన్లో వున్నాయి. గ్యాప్ లేకుండా సినిమాలు చేసుకుంటూ పోతున్నాడు.. రవితేజ. కల్యాణ్ కృష్ణ దర్శకత్వంలో రవితేజ తాజాగా ''నేల టికెట్'' సినిమా చేస్తున్నాడు. ఇప్పటికే ఈ
మాస్ మహారాజ రవితేజ హీరోగా రెండు సినిమాలు లైన్లో వున్నాయి. గ్యాప్ లేకుండా సినిమాలు చేసుకుంటూ పోతున్నాడు.. రవితేజ. కల్యాణ్ కృష్ణ దర్శకత్వంలో రవితేజ తాజాగా ''నేల టికెట్'' సినిమా చేస్తున్నాడు. ఇప్పటికే ఈ సినిమా షూటింగ్ చాలావరకు ముగిసింది. మాస్‌తో పాటు ఫ్యామిలీ ఆడియన్స్‌కు బాగా కనెక్ట్ అయ్యే ఈ చిత్రం షూటింగ్ ప్రస్తుతం హైదరాబాద్ రామోజీ ఫిలిమ్ సిటీలో జరుగుతోంది.
రామోజీ ఫిలిమ్ సిటీలో వేసిన ప్రత్యేకమైన సెట్లో ఈ సినిమా షూటింగ్ కొనసాగుతోంది. ప్రధానమైన పాత్రలకి సంబంధించిన కొన్ని ముఖ్యమైన సన్నివేశాలను అక్కడ చిత్రీకరిస్తున్నారు. ఏప్రిల్ చివరినాటికి ఈ సినిమా షూటింగును పూర్తిచేసి, మే చివరలో విడుదల చేయనున్నారు. మాళవిక శర్మ ఈ చిత్రంలో హీరోయిన్‌గా నటిస్తోంది.
ఈ చిత్రం తర్వాత రవితేజ శ్రీనువైట్ల దర్శకత్వంలో ''అమర్ అక్బర్ ఆంటోని'' సినిమాలో నటిస్తున్నాడు. ఈ దిశగా సన్నాహాలు కూడా జరుగుతున్నాయి. ఆపై దర్శకుడు సంతోష్ శ్రీనివాస్‌కి కూడా రవితేజ పచ్చజెండా ఊపాడని ఫిలిమ్ నగర్ వర్గాల్లో వార్తలు వస్తున్నాయి.
ఈ సినిమాను మైత్రీ మూవీ మేకర్స్ నిర్మిస్తోంది. తాజాగా ఈ చిత్రంలో రవితేజ సరసన లావణ్య త్రిపాఠి కథానాయికగా ఎంచుకున్నట్లు ప్రచారం సాగింది. కానీ కేథరిన్‌ను హీరోయిన్‌గా ఖరారు చేసినట్లు వార్తలు వస్తున్నాయి. అలాగే ఎక్కడి పోతావు చిన్నవాడా, ఒక్క క్షణం ఫేమ్ వీఐ ఆనంద్‌తోనూ రవితేజ నటిస్తాడని.. ఈ సినిమా స్క్రిప్ట్ వర్క్‌లో బిజీ బిజీగా వున్నట్లు సమాచారం.