రవితేజ, త్రినాధరావు నక్కిన మాస్ యాక్షన్ ఎంటర్‌టైనర్ 'ధమాకా' టీజర్, పాటలకు ట్రెమండస్ రెస్పాన్స్‌ వచ్చింది. దాదాపు ప్రతి పాట చార్ట్‌బస్టర్‌గా నిలిచింది. జింతాక్, దండకడియాల్ ట్రాక్‌లు మాస్ ని అలరిస్తున్నాయి. సక్సెస్ఫుల్ మ్యూజికల్ ప్రమోషన్ల తర్వాత మేకర్స్ ఈ రోజు సినిమా థియేట్రికల్ ట్రైలర్ విడుదల తేదీని ప్రకటించారు.
డిసెంబర్ 15న ధమాకా ట్రైలర్‌ను విడుదల చేయనున్నారు. ట్రైలర్ పోస్టర్‌లో రవితేజ క్లాస్ అవతార్‌లో సూట్‌లో కళ్లజోడుతో కనిపించారు. ఇందులో క్లాస్ , మాస్ అవతార్‌లలో రవితేజ ద్విపాత్రాభినయంలో కనిపించనున్నారు. రెండు పాత్రలు వినోదాత్మకంగా ఉండబోతున్నాయి. సినిమాలో యాక్షన్, ఇతర అంశాలతో పాటు హై ఎంటర్ టైన్మెంట్ వుండబోతుంది.
శ్రీలీల కథానాయిక గా నటిస్తున్న ఈ చిత్రానికి భీమ్స్ సిసిరోలియో సంగీతం అందిస్తున్నారు. టీజీ విశ్వ ప్రసాద్ నిర్మిస్తున్న' ధమాకా' భారీ బడ్జెట్‌తో తెరకెక్కుతోంది. పీపుల్ మీడియా ఫ్యాక్టరీ & అభిషేక్ అగర్వాల్ ఆర్ట్స్ పతాకాలపై రూపొందుతున్న ఈ చిత్రానికి వివేక్ కూచిభొట్ల సహ నిర్మాత. ప్రసన్న కుమార్ బెజవాడ ఈ చిత్రానికి కథ, స్క్రీన్‌ప్లే, సంభాషణలు రాస్తుండగా, కార్తీక్ ఘట్టమనేని సినిమాటోగ్రఫీ అందిస్తున్నారు. ధమాకా డిసెంబర్ 23న ప్రపంచ వ్యాప్తంగా గ్రాండ్ గా విడుదలౌతుంది.