రామ్ గోపాల్ వర్మ ఏదో విధమైన పబ్లిసిటీతో తన సినిమా ప్రమోషన్ చేసుకుంటుంటాడు. ఆయన రూపొందించిన రెండు సినిమాలు “వ్యూహం”, “శపథం” చిత్రాలు రిలీజ్ కానున్నాయి. ఎప్పటినుంచో అదిగో ఇదిగోఅంటూ ప్రకటనలు ఇచ్చారు. ఎట్టకేలకు రెండు సినిమాలు వారం గ్యాప్ లో విడుదలవుతున్నాయి. ఏమిటి ఇలా రిలీజ్ చేస్తున్నాడని నెటిజన్లు కామెంట్లు చేస్తుంటే.. ఆర్.జీ.వీకి తిక్కలేదు లెక్కలేదు అంటూ ప్రచారంతో కూడిన “వ్యూహం”, “శపథం” చిత్రాలు పోస్టర్ ను సోషల్ మీడియాలో విడుదలచేశారు. ఇప్పటికే మల్టీప్లెక్స్ లో రిలీజ్ పోస్టర్లు కూడా వెలువడ్డాయి.
మరోవైపు చంద్రబాబు నాయుడు ఫొటోను పెట్టి.. కళ్ళు తుచుకుంటూ.. ఇక ఈ టెన్షన్ తట్టుకోలేకపోతున్నా.. అంటూ రిలీజ్ కోసం ఆయన ఎదురుచూస్తున్నట్లుగా పబ్లిసిటీ చేసుకున్నాడు వర్మ. ఏప్రిల్ లో ఎ.పి.లో ఎన్నికలు జరగుతాయని అనుకుంటుండగా మార్చిలో రెండు సినిమాలు విడుదలయి ఆ ప్రభుత్వానికి ఏదో హెల్ప్ అవుతుందని వర్మ ఆశిస్తున్నాడు. మరి ఆయన తీసిన పలు సినిమాలు కేవలం పబ్లిసిటీకే పరిమితం అయిన సందర్భాలు వున్నాయి.
టాలీవుడ్ సంచలన దర్శకుడు రామ్ గోపాల్ వర్మ ఇప్పుడు ఏ తరహా సినిమాలు చేస్తున్నాడో చూస్తున్నాం. ఇక ఇపుడు పొలిటికల్ బ్యాక్ డ్రాప్ లోనే సినిమాలు చేస్తుండగా తాను లేటెస్ట్ గా చేసిన రెండు సినిమాలు “వ్యూహం”, “శపథం” చిత్రాలు రిలీజ్ కానున్నాయి. అయితే ఈ చిత్రాలు గత ఏడాదిలో ఎప్పుడో రిలీజ్ కావాల్సి ఉండగా మొదట ఒకో చిత్రానికి గ్యాప్ నెల ఉండేలా ప్లాన్ చేసుకున్నారు కానీ ఇది కాస్తా వాయిదాలు పడుతూ వారం రోజుల గ్యాప్ కి వచ్చింది. మరి ఈ సినిమాలు ఎలవుంటాయో అని నెటిజన్లు సెటైర్లు వేస్తున్నారు.