గోపిచంద్ 'సీటీమార్' రిలీజ్ డేట్ ఫిక్స్ - ట్రైలర్ ఇదే

టాలీవుడ్ హీరో గోపీచంద్ నటిస్తున్న చిత్రం సీటీమార్. మాస్‌ డైరెక్టర్‌ సంపత్‌ నంది దర్శకత్వంలో తెరకెక్కింది. ఎప్పుడో విడుదల కావాల్సిన ఈ సినిమా కరోనా కారణంగా వాయిదా పడుకుంటూ వస్తోంది. ఇక ప్రస్తుతం కరోనా కేసులు తగ్గడంతో ఈ సినిమాను దర్శక నిర్మాతలు సెప్టెంబర్ 10వ తేదీన ప్రపంచవ్యాప్తంగా విడుదల చేయనున్నట్టు అధికారికంగా ప్రకటించారు. 

ఈ చిత్రాన్ని స్పోర్ట్స్ నేపథ్యంలో నిర్మించారు. తాజాగా ఈ చిత్రానికి సంబంధించిన ట్రైలర్ విడుదలైంది. ఈ ట్రైలర్’ను రామ్ పోతినేని తన సోషల్ మీడియా వేదికగా విడుదలచేశారు. ట్రైలర్ చూస్తుంటే.. స్పోర్ట్స్ నేపథ్యంలో వస్తున్న మాస్ యాక్షన్ ఫిల్మ్‌లా కనిపిస్తోంది. 

తమన్నా సొంతంగా డబ్బింగ్ చెప్పినట్లు తెలుస్తోంది. మాస్ డైలాగులలతో ఆకట్టకుంటోంది. ఇక ఈ సినిమాను శ్రీనివాసా సిల్వర్‌ స్క్రీన్‌ పతాకంపై ప్రొడక్షన్‌‌పై శ్రీనివాసా చిట్టూరి నిర్మిస్తున్నారు. ఇక ముందుగా అనుకున్న షెడ్యూల్ ప్రకారం ఈ సినిమా 'సీటీమార్' ఏప్రిల్ 2న ప్రపంచవ్యాప్తంగా విడుదలకావాల్సి ఉంది. 

ఇక ఇప్పటికే ఈ సినిమా నుండి విడుదలైన పాట జ్వాలా రెడ్డికి మంచి స్పందన వచ్చింది. ఈ మూవీలో మిల్కీబ్యూటి తమన్నాతో పాటు మరో హీరోయిన్‌గా హిప్పీబ్యూటీ దిగంగన సూర్యవంశీ నటిస్తోంది. మరో కీలక పాత్రలో భూమిక నటిస్తోంది.