ఆర్జీవీ ఆ టైపా? పూరీని ముద్దుల్లో ముంచెత్తేశాడు...

పూరీ జగన్నాథ్ దర్శకత్వంలో వచ్చిన చిత్రం 'ఇస్మార్ట్ శంకర్'. ఇటీవల విడుదలైన ఈ చిత్రం మంచి టాక్‌తో ప్రదర్శితమవుతోంది. ఈ చిత్రం సక్సెస్ మీట్‌ను నిర్వహించారు. ఇందులో సంచలన దర్శకుడు రాంగోపాల్ వర్మ పాల్గొన్నారు. ఆయన ఏది చేసినా సంచలనమే అవుతుంది. ఆయన సినిమాల‌తోనే కాదు చేసే ప‌నుల‌తోనూ వార్త‌ల‌లో నిలుస్తూ ఉంటాడు. 

కొద్ది రోజులుగా త‌న శిష్యుడు పూరీ జ‌గ‌న్నాథ్ చిత్రాన్ని తెరకెక్కించిన 'ఇస్మార్ట్ శంక‌ర్' చిత్రాన్ని ప్ర‌మోట్ చేసే ప‌నిలో బిజీగా ఉన్న వ‌ర్మ ఇప్పుడు ఆ స‌క్సెస్‌ని కూడా ఎంజాయ్ చేస్తున్నాడు. 2015లో వ‌చ్చిన "టెంప‌ర్" చిత్రం త‌ర్వాత పూరీ ఇస్మార్ట్ శంక‌ర్ చిత్రంతో ఘ‌న విజ‌యం సాధించాడు. దీంతో టీంతో క‌లిసి వ‌రుస సెల‌బ్రేష‌న్స్ జ‌రుపుకుంటున్నాడు. ఇందులో భాగంగా చిత్ర బృందంతో పాటు వ‌ర్మ‌కి కూడా పార్టీ ఇచ్చాడు. 

ఈ పార్టీలో వ‌ర్మ త‌న శిష్యుడు పూరీ జ‌గ‌న్నాథ్ చెంప‌పై గ‌ట్టిగా ముద్దిచ్చాడు. ఈ స‌న్నివేశాన్ని చిత్రంలో పోలీస్ ఆఫీస‌ర్ పాత్ర పోషించిన స‌త్య‌దేవ్ త‌న ట్విట్ట‌ర్ ద్వారా షేర్ చేశాడు. దీనిపై నెటిజ‌న్స్ ప‌లు ర‌కాలుగా స్పందిస్తున్నారు.