రంగస్థలం ఫస్ట్‌లుక్.. చిట్టిబాబుగా చెర్రీ.. మార్చి 30న విడుదల
రంగస్థలం ఫస్ట్ లుక్ విడుదలైంది. సైరా పనుల్లో మెగా చెర్రీ బిజీగా వుండటంతో ఫస్ట్ లుక్ విడుదల వాయిదా పడుతూ వచ్చింది. అయితే శనివారం (డిసెంబర్ 9)న మెగా ఫ్యాన్స్‌కు ట్రీట్‌లా రంగస్థలం ఫస్ట్ లుక్ రిలీజ్ అయ్
రంగస్థలం ఫస్ట్ లుక్ విడుదలైంది. సైరా పనుల్లో మెగా చెర్రీ బిజీగా వుండటంతో ఫస్ట్ లుక్ విడుదల వాయిదా పడుతూ వచ్చింది. అయితే శనివారం (డిసెంబర్ 9)న మెగా ఫ్యాన్స్‌కు ట్రీట్‌లా రంగస్థలం ఫస్ట్ లుక్ రిలీజ్ అయ్యింది. సైరా నరసింహా రెడ్డి సినిమా సెట్స్ పైకి రావడం, పవన్ కల్యాణ్ ఏపీ పర్యటనలో దుమ్ముదులిపే స్పీచ్‌ ఇవ్వడానికి తోడు మెగా అభిమానులు రంగస్థలం ఫస్ట్ లుక్ విడుదల కావడంతో పండగ చేసుకుంటున్నారు.
రంగస్థలంలో చెర్రీ హీరోగా, అక్కినేని ఇంటి కోడలు సమంత హీరోయిన్‌గా నటిస్తుంది. మైత్రీ మూవీ పతాకంపై నిర్మించబడుతున్న ఈ సినిమాకు సుకుమార్ దర్శకత్వం వహిస్తున్నారు. 1980 జరిగిన కథగా ఈ చిత్రం రూపుదిద్దుకుంటోంది.
ఇక రంగస్థలం ఫస్ట్ లుక్‌ను మెగా పవర్ స్టార్ రామ్ చరణ్ తన ఫేస్ బుక్ ఖాతా ద్వారా పోస్ట్ చేశాడు. ''రంగస్థలం''లోని ''చిట్టిబాబు'' 2018 మార్చి 30న కలవండి.. అని చెర్రీ తన పోస్ట్‌లో పేర్కొన్నాడు. ఈ పోస్ట్ ద్వారా ''రంగస్థలంలో'' చిట్టిబాబు పాత్రను చరణ్ పోషిస్తున్నట్టు స్పష్టమైంది. సినిమా కూడా మార్చి 30 నాటికి రిలీజ్ కానుందని తేలిపోయింది.