మాల్దీవ్స్‌లో రామ్, నిధి అగర్వాల్ ఏం చేస్తున్నారు అనుకుంటున్నారా..? ఎన‌ర్జిటిక్ హీరో రామ్, డాషింగ్ డైరెక్ట‌ర్ పూరి జగన్నాథ్ కాంబినేష‌న్‌లో రూపొందుతోన్న భారీ యాక్ష‌న్ ఎంట‌ర్‌టైన‌ర్ ఇస్మార్ట్ శంక‌ర్. ఈ చిత్రంలో రామ్ స‌ర‌స‌న నిధి అగర్వాల్, న‌భా న‌టేశ్ న‌టిస్తున్నారు. పూరి జగన్నాథ్ టూరింగ్ టాకీస్‌, పూరి కనెక్ట్స్ బ్యాన‌ర్స్ పైన పూరి జగన్నాథ్, ఛార్మి ఈ చిత్రాన్ని సంయుక్తంగా నిర్మిస్తున్నారు.
టాకీ పార్ట్ చిత్రీక‌ర‌ణ పూర్త‌య్యింది. ప్ర‌స్తుతం సినిమాలో ఓ రొమాంటిక్ సాంగ్‌ను రామ్, నిధి అగ‌ర్వాల్‌ల పైన మాల్దీవుల్లో చిత్రీక‌రిస్తున్నారు. అందుక‌నే వీరిద్ద‌రు మాల్దీవ్స్ వెళ్లార‌ట. భాస్క‌ర భ‌ట్ల ర‌చించిన `లవ్‌` సాంగ్‌ను మాల్దీవుల్లోని అంద‌మైన లొకేష‌న్స్‌లో చిత్రీక‌రిస్తుండ‌టం విశేషం. మ‌ణిశ‌ర్మ ఈ చిత్రానికి సంగీత సారథ్యం వ‌హిస్తున్నారు. ఇదిలా ఉంటే... జిందాబాద్ జిందాబాద్ ఎర్ర‌నీ పెద‌వుల‌కి.. జిందాబాద్ జిందాబాద్ కుర్రాడి చూపుల‌కి అంటూ సాంగే స్పైసీ & రొమాంటిక్ సాంగ్‌ను రిలీజ్ చేసారు.
రీసెంట్‌గా విడుద‌లైన టీజ‌ర్‌కు, దిమాక్ ఖ‌రాబ్ అనే సాంగ్‌కు ప్రేక్ష‌కుల నుండి అద్భుత‌మైన రెస్పాన్స్ వ‌చ్చింది. ఈ రోజు రిలీజ్ చేసిన జిందాబాద్ సాంగ్‌కు కూడా విశేష స్పంద‌న ల‌భిస్తుంది. అన్ని కార్య‌క్ర‌మాల‌ను పూర్తిచేసి ఈ సినిమాను జూలై 12న విడుద‌ల చేయ‌డానికి ద‌ర్శ‌కనిర్మాత‌లు స‌న్నాహాలు చేస్తున్నారు.