రాజమౌళి, పవన్ కల్యాణ్ కలిస్తేనా... బాక్సాఫీస్ రికార్డులన్నీ బద్ధలు : రామ్ గోపాల్ వర్మ

దర్శకధీరుడు ఎస్ఎస్.రాజమౌళి దర్శకత్వంలో ప్రభాస్ - రానాలు హీరోలుగా నటించిన 'బాహుబలి 2 ది కంక్లూజన్' చిత్రం ప్రీ రిలీజ్ వేడుక ఆదివారం రాత్రి అంగరంగ వైభవంగా జరిగింది. ఈ ఫంక్షన్ గ్రాండ్ సక్సెస్ కావడంతో వివ

దర్శకధీరుడు ఎస్ఎస్.రాజమౌళి దర్శకత్వంలో ప్రభాస్ - రానాలు హీరోలుగా నటించిన 'బాహుబలి 2 ది కంక్లూజన్' చిత్రం ప్రీ రిలీజ్ వేడుక ఆదివారం రాత్రి అంగరంగ వైభవంగా జరిగింది. ఈ ఫంక్షన్ గ్రాండ్ సక్సెస్ కావడంతో వివాదాస్పద దర్శకుడు రాంగోపాల్ వర్మ తనదైనశైలిలో స్పందించారు. 

"రాజమౌళి, పవన్ కల్యాణ్ కలిసి ఓ చిత్రాన్ని తీస్తే, అది బాక్స్ ఆఫీస్ రికార్డులన్నీ బద్దలు కొడుతుంది. ఓ అభిమానిగా అది సాధ్యమైనంత త్వరగా జరగాలని నేను కోరుకుంటున్నాను" అని తన సోషల్ మీడియా మాధ్యమం ట్విట్టర్‌లో వ్యాఖ్యానించాడు. ఈ ట్వీట్ వందల సంఖ్యలో షేర్లను, వేల సంఖ్యలో లైక్స్ ను తెచ్చుకుని వైరల్ అయింది. 

కాగా, తాజాగా పవన్ కళ్యాణ్ హీరోగా నటించిన కాటమరాయుడు చిత్రం విడుదలైన విషయం తెల్సిందే. ఈ చిత్రంపై రాంగోపాల్ వర్మ వివాదాస్పద కామెంట్స్ చేశారు. ‘కాటమరాయుడు’ సినిమా చూడడం కంటే ఓ పోర్న్‌ సినిమా చూడటంమేలని తనతో ఓ 70 ఏళ్ల వ్యక్తి అన్నట్టు ట్వీట్‌ చేశాడు. మూడు పెళ్లిళ్లు చేసుకోవడం కంటే ఓ మంచి సినిమా ఇస్తే మేలని వర్మ ట్వీట్లు చేశాడు. అంతేకాదు పవన్‌ అభిమానులను గేదెలతో పోల్చిన విషయం తెల్సిందే.