రష్యాలో పుష్ప ది రైజ్ విడుదల.. ఆ ఫెస్టివల్‌లో పుష్ప, RRRతో పాటు ఆరు సినిమాలు

Pushpa

పుష్ప ది రైజ్ సినిమా ప్రస్తుతం రష్యా వెళ్లనుంది. డిసెంబర్ 8వ తేదీన ఈ సినిమా ప్రేక్షకుల ముందుకు రానుంది. ఈ చిత్రాన్ని రష్యా భాషలోకి డబ్ చేసి రిలీజ్ చేస్తారు.

విడుదలకు ముందుగా డిసెంబర్ 1న మాస్కోలో, డిసెంబర్ 3న సెయింట్ పీటర్స్ బర్గ్‌లో పుష్ప ప్రీమియర్ షోలు వుంటాయి. అంతేగాకుండా రష్యా భాషలో పుష్ప ట్రైలర్ మంగళవారం ఉదయం 11.07 గంటలకు విడుదల కానున్నట్లు చిత్ర నిర్మాణ సంస్థ మైత్రీ మూవీ మేకర్స్ ఓ ప్రకటనలో వెల్లడి అయ్యింది. 

ఇకపోతే.. 2021 డిసెంబర్ 17 పుష్ప విడుదలై బాక్సాఫీసు వద్ద ప్రభంజనం సృష్టిస్తోన్న సంగతి తెలిసిందే. అల్లు అర్జున్ - సుక్కు కాంబోలో తెరకెక్కిన ఈ చిత్రం ప్రపంచ వ్యాప్తంగా రూ.300 కోట్లకు పైగా రాబట్టింది. 

Pushpa

అంతేగాకుండా రష్యాలోని 24 నగరాల్లో జరగనున్న ఐదవ ఇండియన్ ఫిల్మ్ ఫెస్టివల్ ప్రారంభోత్సవంలో పుష్ప: ది రైజ్ ప్రీమియర్ ప్రదర్శించడానికి రంగం సిద్ధం అయ్యింది. డిసెంబర్ 1 నుండి 6 వరకు ఇండియన్ ఫిలిమ్స్ ఫెస్టివల్ యొక్క ఐదవ వార్షికోత్సవం రష్యన్ ఫిల్మ్స్ ఫెస్టివల్ యొక్క 24 నగరాల్లో నిర్వహించబడుతుంది.

దీనిని "ఇండియన్ ఫిల్మ్స్" ఫిల్మ్ కంపెనీ ఇండియన్ నేషనల్ కల్చరల్ సెంటర్ "సీతా" (SITA)తో కలిసి, సాంస్కృతిక మంత్రిత్వ శాఖ మద్దతుతో నిర్వహిస్తుంది.  ఈ కార్యక్రమంలో కరణ్ జోహార్ డ్రామాతో సహా భారతీయ సినిమా 6 హిట్‌ సినిమాలు ప్రదర్శితమవుతాయి. ఈ ఆరింటిలో పుష్ప కూడా వుంది. 

డిసెంబర్ 1వ తేదీన మాస్కోలోని ఓషియానియా షాపింగ్ సెంటర్‌లో ఇండియన్ ఫిలిమ్స్ ఫెస్టివల్ ప్రారంభోత్సవం జరగనుంది. డిసెంబర్ 3న, "పుష్ప: ది రైజ్" తారాగణం, సిబ్బంది సభ్యులు సెయింట్ పీటర్స్‌బర్గ్‌లోని షాపింగ్ సెంటర్ "గలేరియా"లో చిత్ర ప్రదర్శనకు హాజరవుతారు. 

Pushpa

ఈ ఉత్సవంలో ఇతర ప్రసిద్ధ భారతీయ చిత్రాలు ఉన్నాయి:

పుష్ప: ది రైజ్ (సుకుమార్, 2021)

నా పేరు ఖాన్ (కరణ్ జోహార్ 2010)

డిస్కో డాన్సర్ (బబ్బర్ సుభాష్ 1982)

RRR: రైజ్ రోర్ రివోల్ట్ ( S.S.రాజమౌళి, 2022)

దంగల్ ( సంజయ్ లీలా బన్సాలీ, 2016)

వార్ (సిద్ధార్థ్ ఆనంద్ 2019)