"పుష్ప-2" ప్రీరిలీజ్ బిజినెస్ రూ.1000 కోట్లా?

అల్లు అర్జున్ - సుకుమార్ దర్శకత్వంలో రూపొందున్న "పుష్ప-2" చిత్రం రిలీజ్‌కు ముందే సరికొత్త రికార్డులను నెలకొల్పుతుంది. ఈ సినిమా ప్రీరిలీజ్ బిజినెస్ రూ.1000 కోట్ల మేరకు జరిగినట్టు టాలీవుడ్ వర్గాల సమాచారం. తొలి భాగం ఘన విజయంతో ఇపుడు రెండో భాగంపై భారీ అంచనాలు నెలకొన్నాయి. ప్రస్తుతం చిత్రీకరణలో ఉన్న ఈ చిత్రం మరోవైపు, నిర్మాణాంతర పనులను కూడా జరుపుకుంటుంది. కాకినాడ, యానాంలలో షూటింగ్ చేస్తున్నారు. 

ఈ నేపథ్యంలో మూవీ మేకర్స్ నుంచి మంగళవారం ఓ కీలక అప్‌డేట్ ఇచ్చారు. ఈ చిత్రం ఫస్టాఫ్ ఎడిటింగ్‌తో పాటు అన్ని పనులు పూర్తి చేసుకుని లాక్ చేశారని ఓ పోస్టర్‌ను రిలీజ్ చేశారు. అంతేకాకుండా, ఈ చిత్రం విశ్రాంతి బ్యాంగ్ కూడా అంచనా వేయని విధంగా ఉంటుందని సమాచారం. ఈ పాన్ ఇండియా మూవీని మైత్రీ మూవీ మేకర్స్ భారీ బడ్జెట్‌తో తెరకెక్కిస్తున్నారు. సుకుమార్ రైటింగ్స్ బ్యానర్ సహ నిర్మాణ సంస్థ. 

డిసెంబరు ఆరో తేదీన ప్రపంచ వ్యాప్తంగా ప్రేక్షకుల ముందుకురానుంది. అంతేకాకుండా, ఈ చిత్ం రూ.1000 కోట్ల ప్రీరిలీజ్ బిజినెస్ పూర్తి చేసుకుని సరికొత్త రికార్డును నెలకొల్పిందని సినీ ట్రేడ్ వర్గాలు పేర్కొంటున్నాయి. మరోవైపు, త్వరలోనే ఈ చిత్రం ప్రమోషన్ కార్యక్రమాలు ప్రారంభంకానున్నాయి.