జిమ్ చేస్తూ పునీత్‌కు హార్ట్ఎటాక్.. గుండెలోని రక్తనాళాలు చిట్లి పోవడం వల్లే..?

కన్నడ స్టార్ హీరో పునీత్ రాజ్ కుమార్ హఠాత్తుగా మృతి చెందారు. పునీత్ మరణాన్ని అటు అభిమానులు, కన్నడ సినీ రాజకీయ ప్రముఖులు జీర్ణించుకోలేకపోతున్నారు. ఇప్పటికీ ఈ విషయాన్ని నమ్మలేకపోతున్నారు. శుక్రవారం ఉదయం జిమ్ చేస్తూ పునీత్ రాజ్ కుమార్ హార్ట్ఎటాక్ వచ్చి కుప్పకూలిపోయారు. ఆ తర్వాత ఆసుపత్రిలో చికిత్స పొందుతూ చనిపోయారు.

అయితే ఎంతో ఫిట్‌గా ఉండే పునీత్ హార్ట్ఎటాక్‌తో చనిపోయాడా అనే ప్రశ్న అందరిలోనూ మెదులుతోంది. మాములుగా వర్కౌట్స్ చేయడమంటే పునీత్ రాజ్ కుమార్ కు చాలా ఇష్టమట. ఫిట్ గా ఉండటానికి ఇష్టపడతారట పునీత్. కాగా అతడి గుండెలోని రక్తనాళాలు చిట్లి పోవడం వల్ల పునీత్ మృతిచెందినట్లు వైద్యులు తెలిపారు. కార్డియాక్ అరెస్ట్ జరిగి ప్రాణాలు కోల్పోయినట్లు వివరించారు. 

నిజానికి పునీత్ చేసే వర్క్ ఔట్స్ చాలా ప్రమాదకరంగా ఉండేవని ఆయన స్నేహితులు చెబుతున్నారు. గతంలో కూడా పునీత్ సోదరుడు శివరాజ్ కుమార్ హార్ట్ ఎటాక్‌కు గురయ్యారు. కానీ అప్పుడు ఆయన ప్రాణాపాయం నుంచి బయటపడ్డారు. పునీత్ మాత్రం ప్రాణాలు విడిచారు.