ఆర్ పిక్చర్స్ బ్యానర్ పైన రాంబాబు మీడియా హౌస్ సమర్పణలో చిక్కవరపు రాంబాబు నిర్మాతగా పాలకుర్తి ప్రసాద్ అనే యువకుడిని దర్శకుడిగా పరిచయం చేస్తూ నిర్మించిన చిత్రం ఫోర్ ప్లే. అన్ని హంగులు పూర్తి చేసుకున్న ఈ చిత్రం ట్రైలర్‌ని, చిత్ర యూనిట్ లాంచ్ చేసింది.
ఈ సందర్భంగా చిత్ర నిర్మాత చిక్కవరపు రాంబాబు మీడియాతో మాట్లాడుతూ చిత్ర విశేషాలను తెలియజేశారు. ఈ సినిమా యొక్క ప్రధాన ఉద్దేశం.. "ఎంతో బంగారు భవిష్యత్తు ఉన్న యువత చిన్న చిన్న సంతోషాలకోసం ఎలా పెడదోవ పడుతున్నారో... ఇంటికి దీపం ఇల్లాలుగా ఉండాల్సిన మహిళలు అమాయకంగా తీసుకునే నిర్ణయాల వల్ల ఎలా బ్లాక్ మెయిలింగ్‌కు గురి అవుతున్నారో.. అలాకాకుండా డబ్బు, ఇతరత్రా విషయాలు జీవితంలో తుచ్ఛమైనవిగా భావించి.. ప్రేమించడం, ప్రేమించబడ్డ వ్యక్తితో నమ్మకంగా ఉండటం అనేది జీవితంలో అత్యంత ముఖ్యమైన విషయంగా చెప్పడమే మా చిత్రం యొక్క ఉద్దేశం." అని తెలిపారు.