నయనతారను లేడీ సూపర్ స్టార్ అనే సంగతి తెలిసిందే. ప్రస్తుతం పెళ్లి చేసుకున్న తర్వాత ఆమె బాలీవుడ్ ఎంట్రీ ఇచ్చేందుకు సిద్ధం అయ్యింది. పెళ్లికి తర్వాత ఆమె నటిస్తుందని.. కానీ కొన్ని కండిషన్స్ వుంటాయని తెలుస్తోంది. ఈమె కండిషన్లకు నిర్మాతలు ఒప్పుకుంటేనే సినిమాల్లో నటిస్తుందని వార్తలు వచ్చాయి.
ఇకపోతే తాజాగా నయన హనీమూన్ ట్రిప్ పూర్తి చేసుకొని ఇండియాకి వచ్చినట్లు తెలుస్తోంది. ఇండియా రాగానే ఈమె తన తదుపరి చిత్రం జవాన్ సినిమా షూటింగ్లో పాల్గొనడం కోసం ముంబై వెళ్లారు.
అట్లీ దర్శకత్వంలో షారుక్ ఖాన్ సరసన జవాన్ సినిమా ద్వారా నయనతార బాలీవుడ్ ఎంట్రీ ఇవ్వనున్నారు. ఇకపోతే ఈ సినిమాలో నటించినందుకు గాను ఈమె తీసుకున్న రెమ్యూనరేషన్ తెలిస్తే నిజంగా షాక్ అవ్వాల్సిందే.
ఈ సినిమా కోసం నయనతార ఏకంగా ఎనిమిది కోట్ల రూపాయల రెమ్యునరేషన్ తీసుకుంటారని టాక్. అదే గనుక నిజమైతే దక్షిణాది సినీ ఇండస్ట్రీలో అత్యధిక రెమ్యూనరేషన్ తీసుకునే వారిలో నయనతార ముందు వరుసలో ఉంటారు. ప్రస్తుతం ఆమె జవాన్ షూటింగ్లో పాల్గొంది. దీనికి సంబంధించిన ఫోటోలు నెట్టింట వైరల్ అవుతున్నాయి.