Pawan: హరిహరవీరమల్లుకు డేట్ ఫిక్స్ చేసిన పవన్ కళ్యాణ్

Hari Hara Veeramallu date poster

పవన్ కళ్యాణ్ ఇటీవలే హరిహర వీరమల్లు సినిమా షూటింగ్ పూర్తిచేశారని చిత్ర నిర్మాత ఎ.ఎం.రత్నం తెలియజేశారు. తాజాగా ఆయన మరో సినిమా ఓటీ షూటింగ్ లో ఎంట్రీ ఇస్తున్నట్లుగా చిత్ర టీమ్ పోస్ట్ చేసింది. ఇప్పుడు హరిహరవీరమల్లు విడుదల డేట్ ను సోషల్ మీడియాలో పోస్ట్ చేశారు. జూన్ 12న విడుదలతేదీ ప్రకటించారు. పవర్ స్టార్ యుద్ధాన్ని చూసేందుకు సన్నంద్ధం కండీ అంటూ టాగ్ పోస్ట్ చేశారు.

ధర్మం కోసం జరిగే యుద్ధమే హరిహరవీరమల్లు అంటూ కథ గురించి చూచాయిగా చెప్పేశారు. చారిత్రక నేపథ్యంలో జరిగిన ఓ ఘటనతో సినిమా తెరకెక్కించారు. ఇది రెండు భాగాలుగా వుండబోతోంది. ఎ.ఎం. జ్యోతి క్రిష్ణ దర్శకత్వం వహించిన ఈ సినిమాలో నిధి అగర్వాల్ నాయికగా నటిస్తోంది. సన్నీడియోల్, సత్యరాజ్ కీలక పాత్రలు పోషించారు. రాచరిక కాలంనాటి కథతో రూపొందుతోందని తెలుస్తోంది. ఇప్పటికే కీరవాణి బాణీలకు మంచి స్పందన వచ్చింది.

ఏపీ డిప్యూటీ సీఎం గా బాధ్యతలు చేస్తూనే పవన్ కళ్యాణ్, ఓజీ సినిమాను పూర్తిచేసేందుకు సిద్ధమయ్యాడు. గతంలో విజయవాడ ప్రాంతంలో భారీ సెట్‌లో పవన్ కళ్యాణ్ ఈ సినిమా షూటింగ్‌లో పాల్గొన్నట్లు ఓజీ చిత్ర యూనిట్ తెలియజేసింది. ఇప్పుడు లేటెస్ట్ ఎంట్రీ ఇవ్వనున్నట్లు ప్రకటించారు.