దీపికా.. తస్మాత్ జాగ్రత్త.. నీ ముక్కు కోస్తాం : కర్ణిసేన
బాలీవుడ్ నటి దీపికా పదుకొనేకు కర్ణాటక రాష్ట్రానికి చెందిన రాజ్‌పూత్ కర్ణిసేన నాయకులు హెచ్చరించారు. దీపికా.. తస్మాత్ జాగ్రత్త.. నీ ముక్కుకోస్తా అంటూ వార్నింగ్ ఇచ్చారు.
బాలీవుడ్ నటి దీపికా పదుకొనేకు కర్ణాటక రాష్ట్రానికి చెందిన రాజ్‌పూత్ కర్ణిసేన నాయకులు హెచ్చరించారు. దీపికా.. తస్మాత్ జాగ్రత్త.. నీ ముక్కుకోస్తా అంటూ వార్నింగ్ ఇచ్చారు. దీపికా ప్రధాన పాత్రధారిణిగా 'పద్మావతి' చిత్రం నిర్మితమైన విషయం తెల్సిందే. ఇందులో అనేక సన్నివేశాలను హిందువులను కించపరిచేలా ఉన్నాయనే ఆరోపణలు వచ్చాయి. దీంతో రాజ్‌పుత్ కర్ణిసేన నాయుకులు మండిపడుతున్నారు.
దీనిపై వారు స్పందిస్తూ, శూర్పణఖ ముక్కును లక్ష్మణుడు కోసినట్టు.. నీ ముక్కు కూడా కోస్తామంటూ హెచ్చరించారు. సినిమా విడుదలను ఎవరూ అడ్డుకోలేరన్న ఆమె వ్యాఖ్యల పట్ల ఆగ్రహం వ్యక్తం చేస్తూ కర్ణిసేన ఈ వ్యాఖ్యలు చేసింది. అల్లావుద్దీన్‌ ఖిల్జీతో రాణి పద్మిని ప్రేమాయణాన్ని ఈ సినిమాలో చిత్రీకరించిన తీరును నిరసిస్తూ ఆందోళన చేస్తున్న కర్ణిసేన డిసెంబరు ఒకటో తేదీన సినిమా విడుదలను అడ్డుకుంటామని హెచ్చరించింది.
సంజయ్‌ లీలా బన్సాలీ దర్శకత్వం వహించిన ఈ సినిమా విడుదల రోజున భారత్‌ బంద్‌కు పిలుపునిచ్చింది. కర్ణిసేన హెచ్చరిక నేపథ్యంలో దీపికకు ప్రభుత్వం ప్రత్యేక భద్రత కల్పించింది. సినిమా విడుదల రోజున రాష్ట్రంలో శాంతిభద్రతలకు విఘాతం కలగకుండా భద్రత ఏర్పాటు చేస్తామని కర్ణాటక హోమంత్రి రామలింగా రెడ్డి తెలిపారు.