తమిళ సూపర్ స్టార్ రజనీకాంత్, నయనతార జంటగా నటిస్తున్న దర్బార్ నుంచి తొలిపాటని విడుదల చేసింది చిత్ర బృందం. 'దుమ్ము ధూళి' అంటూ సాగే ఈ పాట నిజంగా దుమ్మురేపుతుంది. ప్రముఖ గాయకుడు బాలసుబ్రహ్మణ్యం ఈ పాటని తెలుగు, తమిళ భాషలలో ఆలపించారు. అనంత శ్రీరామ్ లిరిక్స్ అందించారు.
అలాగే నివేదా థామస్ కీలక పాత్రలో కనిపించే ఈ పాత్రలో సునీల్ శెట్టి, తంబీ రామయ్య, యోగి బాబు, ప్రతీక్ బబ్బర్, నవాబ్ షా ఇతర ముఖ్య పాత్రలు పోషించారు. సంక్రాంతికి వస్తున్న ఈ సినిమాను ప్రమోషన్ చేసే పనుల్లో సినీ యూనిట్ బిజీగా వుంది. సంక్రాంతి కానుకగా విడుదల కానున్న ఈ చిత్రాన్ని లైకా ప్రొడక్షన్స్ బేనర్‌పై సుబస్కరన్ నిర్మిస్తున్నారు. మురగదాస్ ఈ చిత్రాన్ని రూపొందిస్తున్నారు.
ఇక తాజాగా ఈ సినిమా నుంచి విడుదలైన తొలి పాట పాత పాటల నుంచి కాపీ కొట్టింది. లిరిక్స్ కాపీ అంటూ సోషల్ మీడియాలో వీడియోలు చక్కర్లు కొడుతున్నాయి. అయినా సూపర్ స్టార్ రజనీకాంత్ దర్బార్ పాట యూట్యూబ్‌లో ట్రెండింగ్‌లో అదరగొడుతోంది.