బుల్లితెర యాంకర్ రవి, శ్రీముఖిలకు నర్సింగ్ ఆఫీసర్స్ అసోసియేషన్ తీవ్రమైన పదజాలంతో వార్నింగ్ ఇచ్చింది. వారిద్దరు బయట కనిపిస్తే చెప్పుదెబ్బలు తప్పవని హెచ్చరించింది. ఇలాంటి హెచ్చరిక చేయడానికి గల కారణాలను
బుల్లితెర యాంకర్ రవి, శ్రీముఖిలకు నర్సింగ్ ఆఫీసర్స్ అసోసియేషన్ తీవ్రమైన పదజాలంతో వార్నింగ్ ఇచ్చింది. వారిద్దరు బయట కనిపిస్తే చెప్పుదెబ్బలు తప్పవని హెచ్చరించింది. ఇలాంటి హెచ్చరిక చేయడానికి గల కారణాలను పరిశీలిస్తే...
నిరంతరం వివాదాల్లో నలుగుతుండేవారిలో యాంకర్ల శ్రీముఖి, రవిలు కూడా ఉన్నారు. ఇటీవల ఓ ప్రముఖ చానెల్‌లో ప్రసారమైన ఓ కార్యక్రమంలో నర్సులను కించపరిచేలా వారిద్దరూ కామెంట్స్ చేశారట. ఆ వ్యాఖ్యలు చేసినందుకుగానూ హైదరాబాద్‌ ఎల్బీనగర్ పోలీస్ స్టేషన్‌లో నర్సింగ్ ఆఫీసర్స్ అసోసియేషన్ ఫిర్యాదు చేసింది.
ఈ వ్యవహారంపై ఆ సంఘం ప్రధాన కార్యదర్శి సుష్మిత స్పందిస్తూ పగలనక, రాత్రనక రోగులకు ఎంతో సేవ చేసే నర్సులపై యాంకర్ రవి, శ్రీముఖిలు అతి దారుణంగా కామెంట్ చేశారని మండిపడ్డారు. వాళ్లకు వేలెత్తి చూపే పొజిషిన్‌లో ఉన్నాం కానీ.. వారితో చెప్పించుకునే దీనస్థితిలో తాము లేమని తేల్చి చెప్పింది.
యాంకర్ రవి, శ్రీముఖి, ప్రోగ్రాం చేసిన ఆ వ్యక్తులు ఎప్పుడూ హాస్పిటల్‌కు వెళ్లలేదా?, తమ కుటుంబ సభ్యులను ఆస్పత్రికి తీసుకెళ్లి నర్సులతో సేవలు చేయించుకోలేదా? అని ఆమె నిలదీశారు. అంతేకాకుండా, బూతు పురాణం అందుకుంది. వారిద్దరు బయటకొస్తే ప్రతి ఒక్క నర్సు చెప్పు తీసుకొని కొడుతుందని ఆమె హెచ్చరించింది.