ఎన్‌.టి.ఆర్‌. జూనియ‌ర్ ప్ర‌స్తుతం సినిమాల స్పీడ్ పెంచాడు. ఆర్‌.ఆర్‌.ఆర్‌. వల్ల సంవ‌త్స‌రాలు టైం తీసుకోవ‌డంతోపాటు కోవిడ్ వల్ల సినిమాల స్పీడ్ త‌గ్గింది. ఇప్పుడు క‌రోనా మూడోవేవ్‌కూడా త‌గ్గిపోవ‌డంతో హీరోలంతా త‌మ సినిమాల స్పీడ్ పెంచారు. తాజాగా ఎన్‌.టి.ఆర్‌. జూనియ‌ర్ కొర‌టాల శివ ద‌ర్శ‌క‌త్వంలో చేస్తున్నాడు. అయితే తాజాగా మ‌రో సినిమాను ఉప్పెన ద‌ర్శ‌కుడు . బుబ్జిబాబు సాన‌తో చేయ‌నున్న‌ట్లు తెలుస్తోంది.
సుకుమార్ శిష్యుడైన బుజ్జిబాబు ఇప్ప‌టికే క‌థ‌ను చెప్పాడ‌నీ సానుకూలంగా స్పందించార‌ని టాక్ వుంది. ఈ చిత్రాన్ని భారీ నిర్మాణ సంస్థ మైత్రీ మూవీస్ నిర్మించ‌నున్న‌ట్లు తెలుస్తోంది. ఈ ఏడాది ఏప్రిల్ 11న సినిమా గురించి అధికార ప్ర‌క‌ట‌న రానున్న‌ట్లు స‌మాచారం. ఈ చిత్రం పీరియాటిక్ స్పోర్ట్స్ డ్రామాగా వుండ‌నున్న‌ట్లు తెలుస్తోంది. ఈ సినిమాకు `పెద్ది` అనే టైటిల్‌ను రిజిష్ట‌ర్ చేశారు. క‌బ‌డ్డీ నేప‌థ్యంలో రూపొంద‌న‌నున్న ఈ సినిమాలో ఎన్‌.టి.ఆర్‌. జూనియ‌ర్ క‌బ‌డ్డీ ప్లేయ‌ర్‌గా న‌టించ‌నున్నాడ‌ట.