ప్రియా వారియర్‌లా చేతి వేళ్లకు ముద్దుపెట్టి తుపాకీ గురిపెట్టి? ఎవరు?
మలయాళ కుట్టి ప్రియా వారియర్ కన్నీ గీటి సెలెబ్రిటీగా మారిపోయింది. ఫిబ్రవరి 14 ప్రేమికుల రోజును పురస్కరించుకుని విడుదలైన ప్రియా వారియర్ హావభావాలతో కూడిన వీడియోలు సోషల్ మీడియాలో వైరల్ అయ్యాయి. ఒక వీడియో
మలయాళ కుట్టి ప్రియా వారియర్ కన్నీ గీటి సెలెబ్రిటీగా మారిపోయింది. ఫిబ్రవరి 14 ప్రేమికుల రోజును పురస్కరించుకుని విడుదలైన ప్రియా వారియర్ హావభావాలతో కూడిన వీడియోలు సోషల్ మీడియాలో వైరల్ అయ్యాయి. ఒక వీడియోతో ఇంటర్నెట్‌లో సెలెబ్రిటీగా మారిపోయిన ప్రియా ప్రకాష్ వారియర్ సినీ అవకాశాలు వెతుక్కుంటూ వస్తున్నాయి.
ఈ నేపథ్యంలో ప్రియా ప్రకాష్ వారియర్ ఓ ఆంగ్ల పత్రికకు ఇచ్చిన ఇంటర్వ్యూలో ఆసక్తికర విషయాలు తెలిపింది. తాను చదివే కాలేజీ చాలా స్ట్రిక్ట్ అని.. మొబైల్స్ యూజ్ చేయకూడదని చెప్పింది. తాను వన్ ప్లస్ మొబైల్‌కి బ్రాండ్ అంబాసిడర్ కావడంతో తన వద్ద వన్ ప్లస్ మొబైల్ ఉందని, కానీ అందులో సిమ్ లేదని చెప్పింది. తనను ఇప్పటికీ ఇంట్లో ఫోన్ వాడనివ్వరని తెలిపింది. మరీ అవసరమైతే తన తల్లి ఫోన్ వాడుతుంటానని చెప్పింది. ఇంట్లో హాట్‌స్పాట్ ఆన్ చేసి ఉంటే, తన ఫోన్ వాడుతానని వెల్లడించింది.
ఇకపోతే.. ప్రియా ప్రకాష్ వారియర్‌ను అనుకరిస్తూ సోషల్ మీడియాలో సెలబ్రిటీలు కూడా వీడియోలు పోస్ట్ చేస్తున్నారు. ఇటీవల స్టైలిష్ స్టార్ అల్లు అర్జున్ కూడా ఆమెను అనుకరిస్తూ వీడియో పోస్ట్ చేయగా, తాజాగా ప్రముఖ గాయని నేహా కక్కర్ కూడా చేతి వేళ్లకు ముద్దుపెట్టి ప్రియా వారియర్‌లా తుపాకీ గురిపెట్టి పేల్చింది. ప్రియా వారియర్ ప్రభావం తనపై పడిందంటూ సరదా కామెంట్స్‌ను ఇన్‌స్టాగ్రామ్‌లో పోస్టు చేసింది. ఈ వీడియో ప్రస్తుతం వైరల్ అవుతోంది. ఈ వీడియోను మీరూ ఓ లుక్కేయండి.