చిట్టి, ఆ స్ధలం గురించి తెలుసా? తిరుమలలో నవీన్, ఫరియా సందడి

ఒకే ఒక్క సినిమాలో తానేంటో నిరూపించుకున్నాడు హీరో నవీన్ పొలిశెట్టి. చేసిన సినిమా చిన్నదే అయినా సూపర్ డూపర్ హిట్ కావడం.. కరోనా తరువాత వచ్చిన తమాషా మూవీ కావడం.. రెండున్నర గంటల పాటు నిర్విరామంగా నవ్వుకునేలా ఉండడంతో సినిమాకు మంచి క్రేజ్ వచ్చింది.

ఈ సినిమాలో నటించిన హీరో నవీన్ పొలిశెట్టి, హీరోయిన్ ఫరియా అబ్దుల్లాకు మంచి పేరునే తెచ్చి పెట్టింది. ముఖ్యంగా హీరోకు మంచి మైలేజ్ రావడమే కాదు డైరెక్టర్‌కు మంచి పేరునే సంపాదించి పెట్టింది. ఎక్కడ చూసినా ఈ సినిమా గురించే చర్చ జరుగుతోంది.

ఈ నేపథ్యంలో తిరుమలలో సందడి చేశారు నటుడు నవీన్, హీరోయిన్ ఫరియా అబ్ధుల్లా. శ్రీవారిని ఈరోజు ఉదయం దర్సించుకున్నారు. ఇద్దరూ కలిసి స్వామి సేవలో పాల్గొన్నారు. దర్సనం తరువాత బయటకు వచ్చిన హీరో నవీన్, హీరోయిన్‌కు కొన్ని స్ధలాలను చూపించి వివరించారు.

ఆలయం ముందు ఉన్న అఖిలాండంను చూపించిన నవీన్ ఇక్కడే టెంకాయలు కొట్టేది. అలా కొట్టడంతో మనం అనుకున్నది నెరవేరుతుందని చెప్పుకొచ్చాడు. తిరుమలలో కూడా ఆమెను చిట్టి అంటూ ముద్దుగా పిలిచాడు నవీన్.