మొదటి సినిమా డైరెక్టర్‌తో నాని 25వ సినిమా... మరో హీరో ఎవరో తెలుసా

క్రికెట్ నేపథ్యంలో తీసిన ‘జెర్సీ’ సినిమాతో న్యాచురల్ స్టార్ నాని ఈ యేడాది బ్లాక్‌ బస్టర్‌ విజయాన్ని తన ఖాతాలో వేసుకున్నాడు. తను నెక్స్ట్ చేయబోయే ప్రాజెక్ట్‌కు సంబంధించిన వివరాలను ఆయన సోమవారం ప్రకటించారు. తన మొదటి సినిమా దర్శకుడైన మోహనకృష్ణ ఇంద్రగంటి దర్శకత్వంలో ఓ సినిమా చేయబోతున్న నాని ట్విట్టర్‌లో ఈ సినిమా లోగోను విడుదల చేసారు. ఈ సినిమా లోగో చూస్తుంటే థ్రిల్లర్ స్టోరీగా ఈ సినిమా తెరకెక్కనున్నట్లు తెలుస్తోంది. ఇందులో మరో హీరోగా సుధీర్ బాబు నటిస్తుండగా, హీరోయిన్లుగా నివేధా ధామస్, అదితి రావ్ హైదరీలు నటిస్తున్నారు.

'నన్ను హీరోగా పరిచయం చేసిన డైరెక్టర్ మోహనకృష్ణ. ఈరోజు నా 25 చిత్రంతో మళ్లీ పరిచయం చేయబోతున్నారు. కానీ ఈసారి కాస్త విభిన్నంగా.. నా స్నేహితుడు (సుధీర్‌బాబును ఉద్దేశిస్తూ) కూడా పార్టీ (సినిమా)లో చేరబోతున్నాడు' అని పేర్కొన్నారు. ఇక సుధీర్‌బాబు కూడా ఈ సినిమా గురించి ట్విట్టర్‌లో ప్రకటించారు. 'సినిమాలో చాలా ట్విస్ట్‌లు ఉన్నాయి. అందులో ఇది మొదటిది‌. స్వాగతం నాని.. అంటూ ట్వీట్ చేసారు.