నాని వదినగా భూమిక.. మళ్లీ తెలంగాణ అమ్మాయిగా ఫిదా హీరోయిన్
నేచుర‌ల్ స్టార్ నాని, హిట్ చిత్రాల నిర్మాత దిల్‌రాజు కాంబోలో రూపొందుతోన్న ఎంసీఏ సినిమా త్వరలో విడుదల కానుంది. ఫిదా సినిమాతో తెలుగు ప్రేక్షకులను దగ్గరైన సాయిపల్లవి ఈ చిత్రంలో హీరోయిన్‌గా నటిస్తోంది. శ్
నేచుర‌ల్ స్టార్ నాని, హిట్ చిత్రాల నిర్మాత దిల్‌రాజు కాంబోలో రూపొందుతోన్న ఎంసీఏ సినిమా త్వరలో విడుదల కానుంది. ఫిదా సినిమాతో తెలుగు ప్రేక్షకులను దగ్గరైన సాయిపల్లవి ఈ చిత్రంలో హీరోయిన్‌గా నటిస్తోంది. శ్రీరామ్ వేణు దర్శకత్వంలో శ్రీ వేంకటేశ్వర క్రియేషన్స్ పతాకంపై ఈ సినిమా రూపొందుతోంది. ప్రస్తుతం ఈ సినిమా ప్రమోషన్ పనుల్లో బిజీగా వుంది.
ఈ సందర్భంగా నిర్మాతగా దిల్ రాజు మాట్లాడుతూ.. ఎంసీఏ సినిమా డిసెంబర్ 21 ప్రేక్షకుల ముందుకు వస్తోందన్నారు. ఈ సినిమాతో డబుల్ హ్యాట్రిక్ సాధించాలనుకుంటున్నామన్నారు. కచ్చితంగా ఎంసీఏ హిట్ కొడుతుందని ఆశాభావం వ్యక్తం చేశారు. మధ్య త‌ర‌గ‌తి కుర్రాడిగా నాని నటన ఈ సినిమా హైలైట్ అవుతుందని.. వదిన, మరిది మధ్య అనుబంధంపై ఈ సినిమా వస్తోందన్నారు.
ఇదిలా ఉంటే ఫిదా సినిమాలో తెలంగాణ అమ్మాయిగా అదరగొట్టిన సాయిపల్లవి 'మిడిల్ క్లాస్ అబ్బాయి'లోను తెలంగాణ అమ్మాయిగానే కనిపించనుందని ఫిలిమ్ నగర్ వర్గాల్లో జోరుగా చర్చ సాగుతోంది. ఈ సినిమా కథ వరంగల్ నేపథ్యంగా కొనసాగుతుంది.
నాయకా నాయికలు ఇద్దరూ తెలంగాణకి చెందినవారే. అయితే ఒకే తరహా పాత్ర అనిపించకూడదనే ఉద్దేశంతో, తెలంగాణ యాసలో సాయిపల్లవి మాట్లాడదట. ఫిదా తరహాలోనే ఈ సినిమాలోను తన పాత్రకి తానే డబ్బింగ్ చెప్పుకుందట. ఇక నాని వదినగా ఒకప్పటి స్టార్ హీరోయిన్ భూమిక కనిపిస్తోంది.