బాలయ్య సినీ ప్రస్థానానికి 46 యేళ్లు

టాలీవుడ్ సినీ ఇండస్ట్రీలోని అగ్రహీరోల్లో ఒకరు నందమూరి బాలకృష్ణ. ఈయన తెలుగు సినీ ఇండస్ట్రీలోకి అడుగుపెట్టి 46 యేళ్లు. పాత్ర ఏదైనా, కథ ఎలాంటిదైనా అందులో ఒదిగిపోయి.. నూటికి నూరుశాతం తన నిబద్ధతను చూపే నటుడుగా నందమూరి బాలకృష్ణ గుర్తింపుపొందాడు.

'తాతమ్మ కల' చిత్రంతో పరిచయైనన బాలయ్య.. నాన్నగారి కల నెరవేర్చి నటసింహగా సాంఘీక, పౌరాణిక, జానపద, చారిత్రాత్మక చిత్రాలతో సంచలన విజయాలు సాధిస్తూ 46 ఏళ్ళ సినీ జీవితాన్ని పూర్తి చేసుకున్నారు. 

సరిగ్గా 46 యేళ్ల క్రితం విడుద‌లైన 'తాత‌మ్మ క‌ల' చిత్రంలో బాలకృష్ణ తన తండ్రి ఎన్టీఆర్, అన్న హరికృష్ణతో కలిసి న‌టించారు. ఈ చిత్రంలో తాతమ్మ అయిన భానుమతి కలను నెరవేర్చే ముని మనవుడు బాలకృష్ణగా తొలి చిత్రంలోనే టైటిల్ రోల్ పోషించడం విశేషం.

ఈ చిత్రానికి ఎన్టీఆర్ స్టోరీ, స్క్రీన్ ప్లే, ద‌ర్శ‌క‌త్వం వ‌హించారు. సందేశాత్మ‌క చిత్రంగా రూపొందిన ఈ మూవీ ప్రేక్ష‌కుల‌ని ఎంతగానో అల‌రించింది. కాగా, బాల‌కృష్ణ ప్ర‌స్తుతం బోయ‌పాటి ద‌ర్శ‌క‌త్వంలో సినిమా చేస్తుండ‌గా, ఈ సినిమా కోసం ఫ్యాన్స్ ఆస‌క్తిగా ఎదురు చూస్తున్నారు. ఈ సంద‌ర్భంగా ఆయ‌న‌కి అభిమానులు, సినీ ప్ర‌ముఖులు శుభాకాంక్ష‌లు తెలియ‌జేస్తున్నారు.