అంధుడి పాత్రలో నాగార్జున... మలయాళ హీరో ఆదర్శంగా...
మలయాళ సూపర్ స్టార్ మోహన్ లాల్ అంధుడి పాత్రలో నటించి మెప్పించిన ఈ సినిమా మాలీవుడ్‌లో సంచలన విజయాన్ని సొంతం చేసుకుని... భారీ కలెక్షన్లను రాబడుతున్న విషయం తెలిసిందే. ఈ ప్రయోగాత్మక చిత్రంపై ఇప్పుడు అందరి
మలయాళ సూపర్ స్టార్ మోహన్ లాల్ అంధుడి పాత్రలో నటించి మెప్పించిన ఈ సినిమా మాలీవుడ్‌లో సంచలన విజయాన్ని సొంతం చేసుకుని... భారీ కలెక్షన్లను రాబడుతున్న విషయం తెలిసిందే. ఈ ప్రయోగాత్మక చిత్రంపై ఇప్పుడు అందరి కన్నూ పడింది. దీన్ని హిందీలో రీమేక్ చేయడానికి ఇప్పటికే అక్షయ్ కుమార్ గ్రీన్ సిగ్నల్ ఇచ్చేశాడు. తనకు అత్యంత ప్రియమైన డైరెక్టర్ ప్రియదర్శన్ ఈ సినిమాను రూపొందించి ఉండటంతో అక్షయ్ మరో ఆలోచన లేకుండా హిందీలో రీమేక్ చేస్తున్నాడు. ఇక ఈ సినిమా తెలుగు రీమేక్ గురించి చాన్నాళ్లుగా జరుగుతున్న చర్చలు ఒక కొలిక్కి వచ్చినట్టు సమాచారం.
దీన్ని తెలుగులో నాగార్జున రీమేక్ చేయనున్నాడని వార్తలు వెలువడుతున్నాయి. ప్రయోగాత్మక సినిమాల పట్ల ఉత్సాహం చూపించే నాగ్.. అంధుడి పాత్రను చేయడానికి ఉత్సాహం చూపిస్తున్నాడని సమాచారం. మలయాళంలో మోహన్ లాల్ హీరోగా రూపొందిన ఈ సినిమాలో.. మన హీరో గుడ్డివాడు. అయితే అతను ఉండే అపార్టుమెంటులో ఒక మర్డర్ జరుగుతుంది.
ఆ మర్డర్‌ని హీరో ఎలా రీసెర్చ్ చేసి తన వైకల్యాన్ని అధిగమించి ఆ హంతకుడిని పట్టుకుంటాడనేదే ఈ థ్రిల్లర్ సారాంశం. అయితే ఇప్పుడు తెలుగులో నాగార్జున ఈ అంధ హీరో పాత్రను చేస్తే బాగుంటుందని నిర్మాతలు ఆలోచిస్తున్నారట. ఇప్పటికే తెలుగులో ఊపిరి వంటి ఛాలెంజింగ్ రోల్‌లో నటించిన నాగార్జున ఇప్పుడు ఈ పాత్రను చేయడానికి అంగీకరించడంతో ఈ సినిమాపై భారీ అంచనాలు నెలకొంటున్నాయి.