ఆగస్ట్‌ 29 టాలీవుడ్‌ కింగ్‌ నాగార్జున బర్త్‌డే. ఈ సందర్భంగా కింగ్‌ నాగార్జున, నాగచైతన్య, అఖిల్‌ చిత్రాలకు సంబంధించిన ఫస్ట్‌లుక్‌లను అదేరోజు ఒకే వేదికపై రిలీజ్ చెయ్యబోతున్నారు. నాగార్జున ద్విపాత్రాభినయంతో కళ్యాణ్‌ కృష్ణ దర్శకత్వంలో అన్నపూర్ణ స్టూడియోస్‌ నిర్మిస్తున్న 'సోగ్గాడే చిన్ని నాయనా', యువసామ్రాట్‌ నాగచైతన్య, గౌతమ్‌ మీనన్‌ కాంబినేషన్‌లో రాబోతున్న 'సాహసమే శ్వాసగా సాగిపో', నవసామ్రాట్‌ అఖిల్‌ అక్కినేని, వి.వి.వినాయక్‌ కాంబినేషన్‌లో వస్తున్న 'అఖిల్‌' చిత్రాల ఫస్ట్‌లుక్‌లను నాగార్జున బర్త్‌డే రోజున రిలీజ్ చేస్తున్నారు.
తండ్రీ.. ఇద్దరు కొడుకులు హీరోలుగా ఒకే టైమ్‌లో ఇండస్ట్రీలో వుండటం టాలీవుడ్‌లోనే కాదు ఇండియన్‌ ఫిల్మ్‌ ఇండస్ట్రీ హిస్టరీలోనే ఇది రికార్డ్‌. ఈ క్రెడిట్‌ అక్కినేని వంశానికే దక్కినందుకు అభిమానులు తమ ఆనందాన్ని వ్యక్తం చేస్తున్నారు. అభిమానుల కోరిక మేరకే నాగార్జున, నాగచైతన్య, అఖిల్‌ చిత్రాల ఫస్ట్‌ లుక్‌లను నాగార్జున బర్త్‌డే రోజునే రిలీజ్ చేయడానికి ప్లానింగ్‌ జరిగింది.
తండ్రి, కొడుకులు ఒకే టైమ్‌లో నటించడమే ఓ రికార్డ్‌ అయితే.. ఈ ముగ్గురి సినిమాల ఫస్ట్‌ లుక్స్‌ ఒకేరోజు రిలీజ్ చెయ్యడం మరో రికార్డ్‌. ఈ స్పెషల్‌ డే కోసం అక్కినేని వంశాభిమానులు ఎంతో ఉత్సాహంతో ఎదురు చూస్తున్నారు. కొడుకులిద్దరితో పోటీపడుతూ కింగ్‌ నాగార్జున సూపర్‌ సక్సెస్‌ఫుల్‌గా కెరీర్‌లో ముందుకు వెళ్ళడం విశేషం.