శేఖర్ కమ్ముల దర్శకత్వంలో ధనుష్, రష్మిక మండన్నా నటిస్తున్న చిత్రం కుబేర. సునీల్ నారంగ్, రామ్మోహన్ నిర్మిస్తున్నారు. ఇందులో నాగార్జున కీలక పాత్ర పోషిస్తున్నాడు. దీనికి సంబంధించిన లుక్ ను చిత్ర యూనిట్ విడుదల చేసింది. ఈ సినిమాలో ఇన్వెస్టిగేటివ్ ఆఫీసర్ గా నాగార్జున నటిస్తున్నాడు. అద్దం ముందు తను వున్న ఫొటోతోపాటు మరో ఫోటీను నేడు చిత్ర యూనిట్ విడుదల చేసింది.
ఇది వరకే ఓ లుక్ ను విడుదల చేశారు. ‘కుబేర’ కాన్సెప్ట్‌కి కనెక్ట్ అయ్యేట్టుగా కనిపిస్తుంది. నాగార్జున వెనుక పెద్ద కంటెనర్ లారీలో డబ్బు ఉండటం.. వర్షంలో నాగార్జున గొడగుపట్టుకుని నిలబడటం.. కళ్లద్దాలతో నాగార్జున లుక్ చాలా డిఫరెంట్‌గా కనిపిస్తుంది. తాజాగా ఈ సినిమా షూటింగ్ క్లయిమాక్స్ చిత్రీకరణ జరుగుతోంది.