తన ఇద్దరు కుమారుల వివాహాలపై వస్తున్న పుకార్లకు సినీ హీరో అక్కినేని నాగార్జున ఓ క్లారిటీ ఇచ్చారు. హీరో నాగచైతన్య పెళ్లి ప్రముఖ హీరోయిన్ సమంతతో, అతడి తమ్ముడు, మరో యువ హీరో అఖిల్ పెళ్లి శ్రేయా భూపాల్‌తో
తన ఇద్దరు కుమారుల వివాహాలపై వస్తున్న పుకార్లకు సినీ హీరో అక్కినేని నాగార్జున ఓ క్లారిటీ ఇచ్చారు. హీరో నాగచైతన్య పెళ్లి ప్రముఖ హీరోయిన్ సమంతతో, అతడి తమ్ముడు, మరో యువ హీరో అఖిల్ పెళ్లి శ్రేయా భూపాల్‌తో జరగనుందని చెప్పారు. ఈ విషయాన్ని నాగార్జున అధికారికంగా ప్రకటించారు. ఇదే విషయంపై ఆయన మాట్లాడుతూ.. తన పెద్ద కొడుకు నాగచైతన్య పెళ్లి అందరూ అనుకుంటున్నట్లుగానే సమంతతోనే జరుగుతుందని ఆయన చెప్పారు. అయితే ఈ పెళ్లి తేదీ మాత్రం ఇంకా ఖరారు కాలేదని చెప్పుకొచ్చారు. మరోవైపు.. తన చిన్న కొడుకు అఖిత్ అతడు ప్రేమించిన యువతి శ్రేయా భూపాల్‌నే పెళ్లాడనున్నాడని చెప్పారు. వీరిద్దరి వివాహంలో తొలి అంకం నిశ్చితార్థాన్ని డిసెంబర్ 9న నిర్వహిస్తున్నామన్నారు.
'నా కొడుకులిద్దరూ సంతోషంగా ఉన్నారు. కొడుకులు, కోడళ్లను పక్కన కూర్చోబెట్టుకుని ప్రెస్ మీట్ ఏర్పాటు చేస్తా. తండ్రిగా నాకు గర్వపడే క్షణాలు ఇంతకంటే ఏముంటాయి? సమంతను పెళ్లి చేసుకోవాలనుకున్నప్పుడు చైతన్య నాతో చెప్పాడు. అయినా ఇది అందరికీ తెలిసిందేగా. వారు హ్యాపీగా బయటకు కూడా వెళుతున్నారు. వాళ్ల నిర్ణయానికి నేనూ హ్యపీ' అని నాగార్జున చెప్పుకొచ్చారు.