అంతవరకు ఆగండి.. మేమే ఆ విషయాన్ని ప్రకటిస్తాం.. మంచు మనోజ్

గతేడాది పెళ్లి చేసుకున్న మంచు మనోజ్, ఆయన భార్య మౌనిక రెడ్డి తల్లిదండ్రులు కాబోతున్నారు. మే నెలలో మౌనిక రెడ్డి డెలివరీ డేట్ ఇచ్చారని తెలుస్తోంది. అయితే, ఈ జంట కవలలకు జన్మనివ్వనున్నట్లు ఫిలిమ్ నగర్ వర్గాల్లో టాక్ వస్తోంది. 

తన భార్య ప్రస్తుతం ఏడో నెల గర్భవతి. భగవంతుడి దీవెనలతో ఇప్పటి వరకు ఎంతో ఆరోగ్యంగా ఉంది. మా జీవితాల్లోకి రాబోతున్న బిడ్డల పట్ల ఆశతో ఎదురు చూస్తున్నాం. అయితే ఒక విషయాన్ని స్పష్టంగా చెప్పదలుచుకున్నా. 

కవల పిల్లల విషయంలో బయట వస్తున్న వార్తలలో నిజం లేదు. అభిమానుల ఆదరాభిమానాలే మాకు శ్రీరామ రక్ష అంటూ మంచు మనోజ్ అన్నారు. డెలివరీ అయిన తర్వాత తామే ఆ విషయాన్ని ప్రకటిస్తామని చెప్పారు.