హీరోయిన్ భావనపై అత్యాచారం నిజమేనా.. పోలీసులేమంటున్నారు?

పాత కక్షల కారణంగానే సినీ నటి భావనను కిడ్నాప్ చేసి అత్యాచారం చేసినట్టు పోలీసుల ప్రాథమిక విచారణలో వెల్లడైంది. ఈ అఘాయిత్యానికి పాల్పడింది కూడా ఆమె కారు పాత డ్రైవరేనని తేలింది.

పాత కక్షల కారణంగానే సినీ నటి భావనను కిడ్నాప్ చేసి అత్యాచారం చేసినట్టు పోలీసుల ప్రాథమిక విచారణలో వెల్లడైంది. ఈ అఘాయిత్యానికి పాల్పడింది కూడా ఆమె కారు పాత డ్రైవరేనని తేలింది. 

పలు తెలుగు చిత్రాలతో పాటు.. కన్నడ, కేరళ, తమిళ చిత్రాల్లో నటించిన నటి భావన. ఈమెను ఇటీవల త్రిశూర్ వద్ద కొందరు దుండగులు కిడ్నాప్ చేసి గంటన్నర పాటు కారులో తిప్పుతూ అత్యాచారం జరిపినట్టు వార్తలు వచ్చాయి. దీనిపై బాధితురాలి ఫిర్యాదు మేరకు కేరళ పోలీసులు కేసు నమోదు చేసి విచారణ చేపట్టారు. 

ఈ అత్యాచార కేసులో మరిన్ని వివరాలను పోలీసులు వెల్లడించారు. గతంలో విభేదాలు వచ్చి ఆమె తీసేసిన డ్రైవర్ సునీల్ కుమార్, పాత పగను దృష్టిలో ఉంచుకుని, రెండు నెలల క్రితమే కిడ్నాప్ ప్లాన్ చేశారని తెలిపారు. ఈ క్రమంలో ఆమె త్రిశూర్‌లో షూటింగ్‌లో ఉందని తెలుసుకుని ప్రస్తుత డ్రైవర్ మార్టిన్‌‌తో కలసి ప్లాన్ చేసి కిడ్నాప్ చేశారని తెలిపారు. 

శుక్రవారం రాత్రి 9:30 గంటల సమయంలో ఆమె కారులో వెళుతుండగా, టెంపోలో నిందితులు ఫాలో అయ్యారని, నెడుంబాసరే విమానాశ్రయం సమీపంలో ఆమె కారును ఢీకొట్టి కిడ్నాప్ చేశారని వెల్లడించారు. ఆపై దాదాపు గంటన్నర పాటు ఆమెను బలాత్కరించారని చెప్పారు. 

దీనిపై ఫిర్యాదు అందుకుని ఎర్నాకులం మెడికల్ కాలేజీలో ఆమెకు వైద్య పరీక్షలు నిర్వహించామని వెల్లడించారు. ఆమెకు స్వల్ప గాయాలయ్యాయని, అయితే, ఆమెపై అత్యాచారం జరిగిందా లేదా అన్నది వైద్య నివేదిక వచ్చాకే వెల్లడిస్తామన్నారు. కాగా, కేసులో ప్రధాన నిందితుడిగా భావిస్తున్న సునీల్‌కు నేర చరిత్ర ఉందని, పరారీలో ఉన్న అతన్ని పట్టుకునేందుకు గాలిస్తున్నట్టు తెలిపారు.