అందాల నటి సావిత్ర జయంతి సందర్భంగా "మహానటి" చిత్ర యూనిట్ ఓ సర్ప్రైజ్ ఇచ్చింది. టాలీవుడ్ ప్రముఖ నిర్మాత సి.అశ్వినీదత్ తన సొంత బ్యానర్ వైజయంతీ మూవీస్ పతాకంపై సావిత్రి
అందాల నటి సావిత్ర జయంతి సందర్భంగా "మహానటి" చిత్ర యూనిట్ ఓ సర్ప్రైజ్ ఇచ్చింది. టాలీవుడ్ ప్రముఖ నిర్మాత సి.అశ్వినీదత్ తన సొంత బ్యానర్ వైజయంతీ మూవీస్ పతాకంపై సావిత్రి జీవిత కథ ఆధారంగా 'మహానటి' చిత్రాన్ని నిర్మిస్తున్న విషయం తెల్సిందే. ఈచిత్రం టైటిల్‌ లోగోకు సంబంధించిన ఓ స్పెషల్ వీడియోను విడుదల చేసింది.
ఈ వీడియోలో 'మాయాబజార్'లోని పేటికను చూపించారు. దాన్ని ఓ మహిళ తెరిచారు. అందులోంచి ‘మహానటి’ అనే టైటిల్‌ బయటికి వచ్చింది. ఈ సన్నివేశాన్ని పక్కన పెడితే బ్యాక్‌గ్రౌండ్‌లో.. ‘అది ప్రియదర్శిని వదినా.. ఆ పేటిక తెరిచి చూస్తే అందులో ఎవరి ప్రియ వస్తువు వారికి కనిపిస్తుంది, మీకు పెళ్లైందా.. అయితే నన్ను చేసుకుంటారా?, అయ్యోరామ, నమో కృష్ణ, అలిగిన వేళనే చూడాలి, నన్ను వదిలి నీవు పోలేవులే, ఈ నాటి ఈ బంధం ఏనాటిదో..’ అంటూ సావిత్రి సినీ కెరీర్‌కు సంబంధించిన డైలాగ్స్‌, పాటలను వినిపించారు. ఇలా చాలా ఆసక్తికరంగా ఈ వీడియోను రూపొందించారు.
దర్శకుడు నాగ్‌ అశ్విన్‌ తెరకెక్కిస్తున్న ఈ సినిమాలో.. కీర్తి సురేశ్‌ టైటిల్‌ రోల్‌ను పోషిస్తోంది. సమంత, విజయ్‌ దేవరకొండ, విక్రమ్‌ ప్రభు, షాలిని పాండే, ప్రకాశ్‌రాజ్‌, మోహన్‌బాబు ‘మహానటి’లో ప్రధాన పాత్రలు పోషిస్తున్నారు. తెలుగు, తమిళం, మలయాళ భాషల్లో ఈ సినిమాను నిర్మిస్తున్నారు. మిక్కీ జే మేయర్‌ మ్యూజిక్ అందిస్తున్న ఈ సినిమా వచ్చే యేడాది 29న విడుదల చేయనున్నారు.