1994లో హమ్ ఆప్కే హై కౌన్‌లో సల్మాన్ ఖాన్, మాధురీ దీక్షిత్ జంటగా నటించారు. సూపర్ హిట్ అయిన ఈ సినిమాలో నటించడం కోసం సల్మాన్ కంటే మాధురీ దీక్షితే ఎక్కువ పారితోషితం పుచ్చుకుందని బాలీవుడ్ నటుడు అనుపమ్ ఖేర్ వెల్లడించారు. బాలీవుడ్ లో ఈమధ్య తరచుగా హీరో హీరోయిన్‌ల పారితోషికంపై చర్చ జరుగుతోంది. ఎంత అగ్ర నాయికలైనా హీరోలకంటే తక్కువగానే ఇస్తున్నారు.
తాజాగా వరుస విజయాలతో దూసుకుపోతున్న కంగనా రనౌత్ ఈ మధ్య భారీ పారితోషికం పెంచిందని వార్తలు వచ్చాయి. ఈ క్రమంలో ట్విట్టర్‌లో అభిమానులు అనుపమ్‌ను ప్రశ్నించారు. ప్రధానంగా స్త్రీ, పురుష సమానత్వం అంశంపై అడిగారు. ఇందుకు ఆయన స్త్రీ, పురుష వివక్ష నిజమేనంటూ ఇంతవరకూ బయటికిరాని సల్మాన్, మాధురిల పారితోషికం రహస్యాన్ని బయటపెట్టారు.
1994లో సల్మాన్ కంటే మాధురీ దీక్షితే అధికంగా పారితోషికం తీసుకునేదని ఖేర్ తెలిపారు. ఆ సినిమా కోసం మాధురీ దీక్షిత్ మూడు కోట్ల మేర పుచ్చుకుందని.. ఈ మొత్తాన్ని ప్రస్తుతం అలియా భట్, ప్రియాంక చోప్రా, అనుష్క శర్మలు తీసుకుంటున్నారని చెప్పారు.