హీరో నితిన్ తన రాబోయే మాస్, యాక్షన్ ఎంటర్‌టైనర్ `మాచర్ల నియోజకవర్గం`లో సిద్ధార్థ్ రెడ్డి అనే IAS ఆఫీసర్‌గా కనిపించనున్నాడు. నితిన్ సినిమా ఫస్ట్ ఎటాక్‌తో కలెక్టర్ సాబ్‌గా స్ట‌యిలిష్‌గా అడుగుపెట్టాడు, అది సినీ అభిమానులను విశేషంగా ఆకట్టుకుంది. ఇదే విష‌యాన్ని ఇప్పటివరకు సాధించిన రికార్డు వీక్షణలు రుజువు చేస్తున్నాయి.
ఈ టీజర్‌కు 24 గంటల్లో 9 మిలియన్ వ్యూస్ రావడం నితిన్ కెరీర్‌లో రికార్డు. అంతేకాదు, ప్రోమో 100K+ లైక్‌లను సంపాదించింది. నిజానికి, టీజర్ లో నితిన్‌ని పవర్‌ఫుల్ గెటప్‌లో చూపించ‌డంతోపాటు హై ఇంటెన్స్ యాక్షన్ సీక్వెన్స్‌తో మాస్ త‌ర‌హాలో ఆకర్షణీయంగా కనిపించింది.
ఎంఎస్ రాజశేఖర్ రెడ్డి దర్శకత్వం వహిస్తున్న ఈ చిత్రాన్ని సుధాకర్ రెడ్డి, నికితారెడ్డి నిర్మిస్తున్నారు. మహతి స్వర సాగర్ ఈ చిత్రానికి స్వరాలు అందించారు.