ప్రభాస్ బుజ్జిగాడు సినిమాలో రెండో హీరోయిన్‌గా నటించిన సంజన గల్రానీ గతంలో కన్నడ సినీ పరిశ్రమ డ్రగ్స్ కేసులో అరెస్ట్ అయి జైలుకి కూడా వెళ్ళొచ్చింది. ఆ తర్వాత తన ప్రియుడు డాక్టర్ పాషాని 2021 జనవరిలో వివాహం చేసుకుంది. ఇటీవల తాను ప్రెగ్నెంట్ అని సోషల్ మీడియా వేదికగా తెలిపింది.
ఈ సందర్భంగా సంజనకు సీమంతం చేశారు. అదీ కూడా స్నేహితులే ఆమెకు సీమంతం చేశారు. దీంతో ఎమోషనల్ అయిన సంజన ఆ శ్రీమంతం ఫోటోలు షేర్ చేసి తన సోషల్ మీడియాలో ఓ పోస్ట్ పెట్టింది.
సంజన తన శ్రీమంతం ఫోటోలు షేర్ చేసి.. ' కొంతమంది నా సౌత్ ఇండియన్ క్లోజ్ ఫ్రెండ్స్ నాకు ఎంతో ప్రేమగా శ్రీమంతం నిర్వహించారు. కొన్ని సార్లు కుటుంబం కంటే కూడా ఫ్రెండ్స్ ఎంతో గొప్ప. నాపై ఇంత ప్రేమ చూపిస్తున్నందుకు ధన్యవాదాలు. నా స్నేహితులు సింపుల్ గా నాకు శ్రీమంతం చేశారు. ప్రస్తుతం నాకు 9వ నెల. త్వరలోనే బిడ్డని కనబోతున్నాను. ఇది నాకు ఒక్క గొప్ప రోజులా మిగిలిపోతుంది' అంటూ ఎమోషనల్ గా పోస్ట్ చేసింది.