బాలీవుడ్ సూపర్ స్టార్ అమితాబ్ బచ్చన్ ఆరోగ్యంపై తాజా అప్డేట్ వచ్చింది. కంటిలోని శుక్లాన్ని తొల‌గించుకునేందుకు ఆయన లేజ‌ర్ సర్జరీ చేయించుకుంటున్నారు. ఈ సర్జరీ పెద్ద కాంప్లికేట్ ఏమి కాదు. త్వ‌ర‌లోనే ఆయన డిశ్చార్జ్ అవుతారని ఆయన సన్నిహితులు వెల్లడించారు.
దీంతో అభిమానులు కాస్త ఉప‌శ‌మ‌నం పొందారు. ప్ర‌స్తుతం అమితాబ్.. అజ‌య్ దేవ‌గ‌ణ్ డైరెక్ష‌న్‌లో "మేడే" అనే సినిమా చేస్తున్నాడు. త్వ‌ర‌లో నాగ్ అశ్విన్ - ప్ర‌భాస్ కాంబినేష‌న్‌లో తెర‌కెక్క‌నున్న సినిమాలోనూ న‌టించ‌నున్నారు. అమితాబ్ న‌టించిన ‘ఝుండ్’ జూన్ 18న ‘చెహ‌రే’ ఏప్రిల్‌ 30న విడుదల కానున్నాయి.
ఇదిలావుంటే, అమితాబ్ బచ్చన్‌‌కు 1982లో ‘కూలి’ సినిమా షూటింగ్‌ సమయంలో ప్ర‌మాదం జరిగింది. అప్పుడు కొన్ని నెల‌ల పాటు ఆసుప‌త్రికి ప‌రిమిత‌మ‌య్యారు. తర్వాత 2005లో అతనికి క‌డుపు నొప్పి రావ‌డంతో సర్జరీ చేయించుకున్నారు. తాజాగా మరో ఆపరేషన్ జరిగింది.