చాలా హీరోహీరోయిన్లు పాత్ర కోసం తమ ప్రాణాలను ఫణంగా పెట్టి నటిస్తుంటారు. అంటే, కథ డిమాండ్ మేరకు, పాత్ర కోసం తమ శరీర సౌష్టవాన్ని పూర్తి మార్చుకుంటారు. ముఖ్యంగా, బరువు పెరగడ, తగ్గడం వంటివి చేస్తుంటారు. ఇలాంటి ఫీట్లనే ఇపుడు హీరోయిన్ కృతి సనన్ కూడా చేసింది. ఈమె పాత్ర కోసం ఏకంగా 15 కేజీల బరువు పెరిగింది. దీనికి సంబంధించిన ఫోటోలను సోషల్ మీడియాలో లీక్ చేయగా, అవి వైరల్ అయ్యాయి.
కృతి సనన్ తాజాగా మిమి అనే హిందీ చిత్రంలో నటిస్తోంది. ఇందురో సరోగేట్ మదర్ పాత్రలో కనపించనుంది. అయితే ఈ చిత్రంలో తన పాత్రకు తగ్గట్టుగా కనిపించడం కోసం కృతిసనన్‌ 15 కిలోల బరువు పెరిగింది. సినిమాలో వచ్చే ఓ పాట కోసం కృతిసనన్‌ బొద్దుగా, లావుగా కనిపించే పాత్రకు సంబంధించిన సీన్లను షూట్‌ చేశారట.
దీనికి సంబంధించిన షూట్‌ పూర్తికావడంతో మళ్లీ కృతిసనన్‌ పెరిగిన బరువును తగ్గించే పనిలో పడినట్లు బాలీవుడ్‌ వర్గాల టాక్‌. నేను మళ్లీ యధావిధిగా మంచి శరీరాకృతిని పొందడానికి కష్టపడుతున్నాను. ఇప్పటివరకు నేను పొందిన అధిక కాలరీలను తగ్గించడం శ్రమతో కూడుకున్న పని. నాలో శక్తి తగ్గుతున్నా గత కొన్ని రోజుల నుంచి సీరియస్‌గా వర్కౌట్స్‌ చేస్తున్నానంటూ చెప్పుకొచ్చింది.
2011లో విడుదలై జాతీయ అవార్డును గెలుచుకున్న మరాఠీ చిత్రం ‘మలా ఆయ్‌ వాయ్‌ చి’ కి రీమేక్‌గా మిమి తెరకెక్కుతోంది. 2020 జులైలో ప్రేక్షకుల ముందుకురానుంది. ఈ చిత్రం షూటింగ్ కూడా శరవేగంగా సాగుతోంది.