దేశ వ్యాప్తంగా ''కేజీఎఫ్'' సినిమా సూపర్ హిట్ అయిన సంగతి తెలిసిందే. ఈ సినిమాలో కన్నడ స్టార్ యాష్ నటనతో అదరగొట్టాడు. ఈ సినిమాకు ప్రస్తుతం సీక్వెల్ రానుంది. ఈ నేపథ్యంలో టాలీవుడ్ సూపర్ స్టార్ మహేష్ బాబు కేజీఎఫ్ డైరక్టర్‌తో సినిమా చేయబోతున్నట్లు ఫిలిమ్ నగర్ వర్గాల్లో జోరుగా ప్రచారం సాగుతోంది.
సూపర్ స్టార్ మహేష్ బాబు ప్రస్తుతం సరిలేరు మీకెవ్వరు మూవీ షూటింగ్ బిజీలో ఉన్నారు. ఆ మూవీ సంక్రాంతికి ప్రేక్షకుల ముందుకు రానుంది. ఆ మూవీ తరువాత నెక్స్ట్ ఏంటి అన్న ఆసక్తి ఇటు ఫ్యాన్స్‌లోనూ, అటు ఇండస్ట్రీలోనూ కూడా ఉంది. మహేష్ దిల్ రాజు, వంశీ పైడిపల్లి కాంబో ఓ వైపు ఉంది. అయితే మహేష్ బాబు మాత్రం వంశీ పైడిపల్లి కంటే ముందే మరో మూవీకి కమిట్ అయ్యాడని అంటున్నారు.
ఈ సినిమా పూర్తికావడానికి మరో నాలుగు నెలల పాటు సమయం పట్టేలా వుండటంతో ప్రిన్స్.. కేజీఎఫ్ డైరక్టర్‌కు ఫోన్ చేసినట్లు తెలుస్తోంది. ఇందుకు కేజీఎఫ్ డైరక్టర్ గ్రీన్ సిగ్నల్ ఇచ్చారని తెలుస్తోంది. నాలుగైదు నెలల్లో మూవీని చేసి సమ్మర్‌కి ఈ చిత్రాన్ని రిలీజ్ చేయాలని మహేష్ అనుకుంటున్నారని టాక్. కేజీఎఫ్ డైరక్టర్‌కి తర్వాత వంశీతో మహేష్ బాబు సినిమా వుంటుందని సమాచారం.