బాలీవుడ్ నటి కత్రినా కైఫ్ డ్యాన్స్ అంటేనే అభిమానులు ఫుల్ ఖుష్ అయిపోతారు. ఆమె చేసే డ్యాన్స్ మతులను పొగొడుతుంది. పలు సినిమాల్లో కత్రినా చేసిన డ్యాన్స్‌లు యువతను విశేషంగా ఆకట్టుకుంటాయి. వయస్సు మీద పడుతున్నా ఆమెలో ఏ మాత్రం జోష్ తగ్గలేదు. ఈ విషయం తాజాగా విడుదలైన టీజర్ చూస్తే అర్థమౌతుంది.
అమితాబ్ బచ్చన్ - అమీర్ ఖాన్ ప్రధాన పాత్రల్లో నటిస్తున్న 'థగ్స్ ఆఫ్ హిందుస్థాన్' చిత్రంలో కత్రినా కైఫ్ నటిస్తోంది. ఇందులో సురైయా అనే నర్తకి పాత్ర పోషిస్తోంది. ఈ సినిమా మొదటి పాటను ఇటీవలే విడుదల చేశారు. ఒక్కొక్కటిగా వీడియో సాంగ్ టీజర్ను రిలీజ్ చేస్తున్నారు.
విడుదల చేసిన 'సురయ్యా' సాంగ్‌లో కత్రినా చేసిన డ్యాన్స్ అదరహో అనిపిస్తోంది. ఈ పాటకు ఇప్పటికే లక్షలాది వ్యూస్ వచ్చాయి. పచ్చ, ఎరుపు రంగు కాంబినేషన్‌లో ఉన్న లెహెంగా ధరించిన కత్రినా గెటప్ అదిరిపోయింది.
ఈ పాటతో మరోసారి కత్రీనా అందరినీ మెస్మరైజ్ చేసింది. కత్రినా డ్యాన్స్ చేస్తుంటే చుట్టూ నిలబడిన బ్రిటిషర్స్ వావ్‌ అంటూ కళ్లప్పగించి చూస్తుండిపోయారంట. విజయ్‌ కృష్ణ ఆచార్య డైరెక్ట్ చేస్తున్న ఈ చిత్రం దీపావళి సందర్భంగా నవంబర్‌ 8న ప్రేక్షకుల ముందుకు తీసుకురానుంది.