భారతీయుడు-2 సినిమాలో కమల్ హాసన్ సరసన నటిస్తోంది కాజల్. మరో రెండుమూడు సినిమాలు ఆమె చేతిలో ఉన్నాయి. తెలుగు, తమిళం, హిందీ భాషల్లో పది సంవత్సరాలకు పైగా సినిమాల్లో నటిస్తూ కాజల్ తనకంటూ ఒక ప్రత్యేక గుర్తింపును సంపాదించుకుంది. క్షణం తీరిక లేకుండా సినిమాలు చేస్తోంది.
అవకాశాలు కాజల్‌ను వెతుక్కుంటూనే వస్తున్నాయి. గ్యాప్ అనేది అస్సలు లేదు. ఎందుకంటే ఆమె సీనియర్ హీరోయిన్. టాప్ మోస్ట్ హీరోయిన్ జాబితాలో ఉన్న వ్యక్తి. అయితే ఎంత ఎదిగినా ఒదిగి ఉండడమే తనకు తెలుసంటోంది కాజల్. నేను సినిమాల్లోకి వచ్చినప్పుడు కొద్దిగా భయపడ్డా. ఫ్లాప్‌లు వచ్చినప్పుడు అయ్యో మళ్ళీ సినిమా అవకాశాలు వస్తాయో రావోనన్న ఆలోచనలో పడ్డా.
కానీ నాకు సినిమా అవకాశాలు ఏమాత్రం తగ్గడం లేదు. నాకు సినీ పరిశ్రమలో పరిచయమైన వ్యక్తులెవరైనా సినిమా తీస్తానంటే కథ కూడా వినను. వెంటనే ఒకే చెప్పేస్తాను. ఆ సినిమాలో హీరో జూనియర్, సీనియర్ అని పట్టించుకోను. నేను సినిమాలు చేయాలి. అంతే.. అదే అనుకుంటాం. అలా అనుకోవడం వల్లే నేనీ స్థాయికి వచ్చానంటోంది కాజల్.